+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Президент тапсырмасы: Қазақстанда жол салу мен жөндеудің кешенді жоспары әзірленіп жатыр

2021 жылғы 25 шілде 18:08
Бөлісіңіз:
Президент тапсырмасы: Қазақстанда жол салу мен жөндеудің кешенді жоспары әзірленіп жатыр

БАЛҚАШ. ҚазАқпарат – Елімізде жол салу мен жөндеуге арналған кешенді жоспар дайындалып жатыр. Бұл туралы «QazAvtoJol» ұлттық компаниясы АҚ басқарма төрағасының орынбасары Талғат Смағұлов мәлім етті, деп хабарлайды ҚазАқпарат тілшісі.

Ұқсас жаңалықтар
Алматыда жолайрық құрылысына байланысты көшелердің бірі жабылады «Ұзынағаш-Отар» автомобиль жолы 2024 жылға дейін жөнделмек Ақтөбеде мердігерлер кейбір көшенің жолын қайта салып жатыр

«Мемлекет басшысының сынынан кейін біз жолдың сапасына мән беруді ерекше қолға алдық. Ол үшін бүгінде жолды салу мен жөндеудің кешенді жоспары әзірлену үстінде. Яғни, заңнамалық, техникалық және нормативтік актілер қайта қаралады. Ендігі уақытта орындалған жұмыстың сапасы қатаң бақыланады. Оның ішінде жол құрылысы материалдарының сапасына да мән беріледі. Қазір елімізде салынып жатқан барлық жол учаскелерінде жұмыс барысын бақылайтын аттестатталған зертханалар бар», - деді Т. Смағұлов.

Оның айтуынша, бүгінде жол салатын мердігер компанияларға қойылатын талап қатаңдатылып жатыр.

«Сонымен қатар, жол салу мен жөндеу барысын бақылап, тексеру мақсатында отандық мамандармен қатар, шетелдік мамандарды да тартып жатырмыз. Одан бөлек, министрлікке қарасты жол активтері ұлттық сараптама орталығы жұмыс істейді. Бұл мекеме еліміздегі жолдардың салынуы мен сапасын тікелей әрі тәуелсіз қадағалайды», - дейді ол.

Еске сала кетсек, биыл сәуір айында Президент сынынан кейін жұмысын дұрыс атқармағаны үшін «QazAvtoJol» ұлттық компаниясы АҚ басқарма төрағасы Ұлан Әліпов қызметінен босатылды.

Сондай-ақ, Мемлекет басшысы Қасым-Жомарт Тоқаев Үкіметке республикалық және жергілікті жолдардың жағдайын жақсарту жөнінде кешенді шаралар қабылдауды тапсырды.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT