+7 (701) 759 90 19
USD 426.39 EUR 504.16
RUB 5.87 CNY 66.28
Jańalyqtar

Президент тапсырмасы: Екібастұзда көмір өндірісінің көлемі азайтылады

2021 жылғы 17 маусым 13:56
Бөлісіңіз:
Президент тапсырмасы: Екібастұзда көмір өндірісінің көлемі азайтылады

Ұқсас жаңалықтар
Павлодар облысында коронавирустың кесірінен жүкті әйелдер бақылаусыз қалған Энергия өндіруші ұйымдардың отынға берешегі көп - министр Павлодарда қоғамдық көліктің жолақысын ақшамен төлеу қымбат болады

НҰР-СҰЛТАН. ҚазАқпарат – Павлодар облысының әкімі Әбілқайыр Сқақов Екібастұз қаласын дамытудың кешенді жоспары аясында қандай шаралар іске асатынын айтты, деп хабарлайды ҚазАқпарат тілшісі.

«Екібастұздың индустриялық аймағында жалпы құны 227,5 млрд теңге болатын инвестициялық жобалар қолға алынады. Қазір қалада энергия блоктарын жаңғырту жобасы жедел жүргізіліп жатыр. Мұның бәрі –Президент Қасым-Жомарт Тоқаевтың тапсырмасы бойынша біз әзірлейтін Екібастұзды дамытудың кешенді жоспарының бір бөлігі. Кешенді жоспарды әзірлеуге тәуелсіз мамандар белсенді қатысты. 1,5 мыңнан астам ұсыныс қабылданып, 100-ден астам сараптамалық кеңес өтті. Өткен демалыс күндері біз бизнес-қоғамдастықпен, белсенділермен, қоғам белсенділерімен және қаланың табысты тұрғындарымен пікір алмастық», - деді облыс әкімі орталық коммуникациялар қызметіндегі брифингіде.

Аймақ басшысы жергілікті әкімдіктің алдында қаланың отын энергетикасына тәуелділігін азайту міндеті тұрғанын атады.

«Жоспардың негізгі мақсаттарының бірі – Екібастұз экономикасының отын-энергетикалық кешенге тәуелділігін төмендету. Ол үшін көмір өндірісін төмендетіп, инновациялық технологияларға көшу қажет. Қаланың өнеркәсібінде өңдеу саласының үлесін ұлғайтамыз. Бұл бағыттағы жобаларды қаржыландыру үшін бюджеттің 1 теңгесіне жеке инвестицияның 10 теңгесін тартуды көздеп отырмыз», - деді Әбіқайыр Сқақов.

Сондай-ақ, облыс әкімі Екібастұзда жаңа баспаналар бой көтеретінін мәлім етті.

«Кешенді даму жоспары қала тұрғындарының тұрғын үй, жұмыспен қамту және басқа да салалардағы күнделікті проблемаларын шешеді деп күтіп отырмыз. Қазір Екібастұзда 5 тұрғын үй салынып жатыр. Өткен аптада ғана 5 тұрғын үй қолданысқа берілді. Бұл пәтерлердің бәрі баспана кезегінде тұрғандарға табысталды. Тұрғын үй құрылысына да жеке инвестицялар тартуды өзімізге міндет етіп қойдық», - деді Павлодар облысының басшысы.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT