+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Президент тапсырмаларын орындау үшін Асқар Маминнің төрағалығымен жұмыс тобы құрылмақ

2020 жылғы 28 қаңтар 09:08
Бөлісіңіз:
Президент тапсырмаларын орындау үшін Асқар Маминнің төрағалығымен жұмыс тобы құрылмақ

НҰР-СҰЛТАН. ҚазАқпарат - Қазақстанның орта мерзімді кезеңге арналған экономикалық даму жоспары әзірленеді. Бұл туралы бүгін Үкімет отырысында ҚР Ұлттық экономика министрі Руслан Дәленов айтты, деп хабарлайды ҚазАқпарат тілшісі.

Ұқсас жаңалықтар
Қытайға тағы 78 қазақстандық кәсіпорын зығыр тұқымын экспорттай алады – ҚР АШМ Қазақстан әуе компанияларының табысы 1,5 есе азайды Доллар арзандады

«Үкіметтің кеңейтілген отырысында Мемлекет басшысы экономиканың сапалы өсуін қамтамасыз ету және халықтың табысын арттыру жөнінде нақты міндеттер қойды. Жалпы 80-нен астам тапсырма берілді. Орта мерзімді кезеңге арналған экономикалық даму жоспарын әзірлеу қажет. 3 заң актісі қабылданады. Бұл: жаңа редакциядағы «Техникалық реттеу туралы» Заң, Бюджет кодексіне өзгерістер және Денсаулық кодексі. 3 бағдарламалық құжат бекітіледі. Бұл: Ақша-кредит саясаты стратегиясы, Сауда саясаты бағдарламасы және Су ресурстарын басқару бағдарламасы«, - деді министр.


Оның айтуынша, Мемлекет басшысының әрбір тапсырмасын мазмұнды және жедел пысықтау қажет.

«Осыған байланысты, Асқар Ұзақбайұлы, Сіздің басшылығыңызбен Үкіметте жұмыс тобын құру ұсынылады. Жұмыс тобы аясында 10 шағын топты айқындау ұсынылады. Бұл топтар Мемлекет басшысының барлық тапсырмаларын қамтиды. Мемлекеттік органдардың бірінші басшылары шағын топтарды басқарады және оларға дербес жауапкершілік жүктеледі«,- деді ол Премьер-Министр Асқар Маминге қарата.

Министрдің сөзіне қарағанда, осы жұмысқа сараптамалық қоғамдастық пен «Атамекен» ұлттық кәсіпкерлер палатасының өкілдерін белсенді тарту жоспарланған.

«Шағын топтардың жұмысын үйлестіруді Сіздің орынбасарларыңызға жетекшілік ететін салаларына сәйкес бекіту ұсынылуда», - деді Руслан Дәленов.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT