Президент Сума Чакрабартиді қабылдады

НҰР-СҰЛТАН. ҚазАқпарат - Қасым-Жомарт Тоқаев Реформалар жөніндегі Жоғары Кеңес төрағасының орынбасары Сэр Сума Чакрабартиді қабылдады, деп хабарлайды Ақорда.

Мемлекет басшысы Президенттің кеңесшісі – Реформалар жөніндегі Жоғары Кеңес төрағасының орынбасары Сэр Сума Чакрабартиді қабылдады.

Кездесу барысында биылғы жылдың желтоқсан айына жоспарланған Реформа жөніндегі Жоғары Кеңестің екінші отырысына дайындық барысы және Кеңестің 2021 жылға арналған жұмыс жоспары талқыланды.