+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Президент шенеуніктерге бюрократиямен айналыспауды ескертті

2020 жылғы 10 шілде 13:50
Бөлісіңіз:
Президент шенеуніктерге бюрократиямен айналыспауды ескертті

НҰР-СҰЛТАН. ҚазАқпарат - Жауапкершіліктен қашып, бюрократиямен айналысуға болмайды. Бұл туралы Үкіметтің кеңейтілген отырысында Мемлекет басшысы Қасым-Жомарт Тоқаев айтты, деп хабарлайды ҚазАқпарат тілшісі Ақорда баспасөз қызметінің Twitter-дегі парақшасына сілтеме жасап.

«Пандемиямен күрес барлық күшті, бастамашылықты, өзіңе жауапкершілік қабылдау мен көшбасшылықты жұмсауды талап етеді. Төтенше жағдай режимі аясында бюджеттеу, мемлекеттік сатып алу саласындағы бюрократиялық процедураларды жеңілдету бойынша жедел қабылданған шаралар өз нәтижесін берді», - деді Қасым-Жомарт Тоқаев.

Мемлекет басшысының атап өтуінше, стандартты процедура тәртібі тыныш уақытқа есептелінген.

«Қазір біз соғыста жүрміз. Сондықтан әрбір басшыдан жедел мәселелер мен тапсырмаларды шешуде барымша тиімділік талап етіледі. Жауапкершіліктен қашып, бюрократиямен айналысуға болмайды», - деді ҚР Президенті.

Айта кетейік, видеобайланыс арқылы өтіп жатқан жиында Үкімет 2020 жылдың алғашқы жарты жылдығындағы еліміздің әлеуметтік-экономикалық даму қорытындысы туралы есеп берді. Сондай-ақ коронавирусқа қарсы күреске қатысты қабылданған шаралар, Мемлекет басшысының Үкіметтің алдағы уақытта атқаратын жұмысының негізгі бағыттары бойынша берген тапсырмалары мен міндеттері қарастырылды.

Еліміздің әлеуметтік-экономикалық дамуының қорытындылары мен жыл соңына дейін орындайтын міндеттер жөнінде Премьер-Министр Асқар Мамин, ақша-несие саясатына қатысты шаралар туралы Ұлттық банктің төрағасы Ерболат Досаев, еліміздегі эпидемиологиялық ахуалды жақсарту жөніндегі шаралар туралы Денсаулық сақтау министрі Алексей Цой баяндама жасады.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT