Президент отандық өнер жұлдыздарының концертін тамашалады
20:38, 26 Қараша 2022
АСТАНА. ҚазАқпарат – Cалтанатты ұлықтау рәсімінен кейін Мемлекет басшысы отандық өнер жұлдыздарының концертін тамашалады. Бұл туралы ҚазАқпарат Ақордаға сілтеме жасап хабарлайды.
«Қазақстан» орталық концерт залының сахнасында еліміздің танымал әншілері Роза Рымбаева, Димаш Құдайберген, Рухия Байдүкенова, Алишер Каримов, Біржан Хасанғалиев, Ұшқын Жамалбек, Тамара Асар, сондай-ақ «Астана балет» театры, «Contrast», «Terra» би ұжымдары мен тағы басқа мәдениет қайраткерлері өнер көрсетті.