Президент Мемлекеттік басқаруды дамыту тұжырымдамасын әзірлеуді жүктеді

НҰР-СҰЛТАН. ҚазАқпарат - Президент Қасым-Жомарт Тоқаев Мемлекеттік басқаруды дамыту тұжырымдамасын әзірлеуді тапсырды, деп хабарлайды ҚазАқпарат тілшісі.

«Әлем және онымен бірге біздің қоғам өзгергенін түсінуіміз керек. Бұрынғы қадамдар, инструментарилер қарқынды түрде тиімділігін жоғалтуда. Реформалар қажет және ескі проблемаларға жаңа шешімдер жасау қажет», - деп тоқталды Президент.

Қ. Тоқаевтың атап өтуінше, мемаппараттың тиімділігін арттыру мәселесіне тоқталды.

«Сондықтан мемаппараттың тиімділігін арттыру, оның қоғаммен өзара іс-қимылын қайта жүктеу үшін Президент Әкімшілігіне Үкіметпен бірлесе Мемлекеттік басқаруды дамыту тұжырымдамасын әзірлеуді тапсырамын. Бұл маңызды мәселе, осы орайда алдағы жылы оның жобасын Үкіметтің отырысында талқылаймыз, сондай-ақ оны Ұлттық кеңестің отырысында қарастыруымыз мүмкін», - деді Мемлекет басшысы.