Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

Президент кубогы: Закир Сафиуллин жарақат алып қалды

2019 жылғы 20 шілде 16:00
Бөлісіңіз:
Президент кубогы: Закир Сафиуллин жарақат алып қалды

НҰР-СҰЛТАН. ҚазАқпарат - Қазақстандық боксшы Закир Сафиуллин алған жарақатына байланысты Президент кубогында ақтық сайыста үндістандық Тапа Шивамен қолғап түйістірген жоқ. Турнир чемпионы атағына үнді боксшысы қол жеткізді, деп хабарлайды ҚазАқпарат тілшісі.

Ұқсас жаңалықтар
Жеңіліп көрмеген Мейірім Нұрсұлтанов он екінші рет жеңіске жетті 21 жастағы Ғалым Шағатай ресейлік боксшымен жекпе-жекке шығады DAZN: Головкин-Деревянченко жекпе-жегі қашан және қайда өтеді

Закир Сафиуллин - еліміздегі тәжірибелі боксшылардың бірі. Қазір 32 жастағы былғары қолғап шебері бұған дейін 2015 жылы Азия чемпионы атағын жеңіп алған. Закир Президент кубогында жартылай финалда биыл Азия чемпионы атанған тәжік жігіті Баходур Усмоновты жеңіп кетті. Дегенмен алған жарақатына байланысты финалда жекпе-жекке шыға алған жоқ.

Ал 69 келіде Абылайхан Жүсіпов бабында екенін байқатты. Биыл 22 жасқа толған ол қазірдің өзінде толайым табыстарға кенеліп үлгерген. Ол 2017 жылы әлем чемпионатында қола жүлде алса, сол жылы Азия чемпионатында күміске қол созды. Абылайхан турнир барысында да тәп-тәуір нәтижеге қол жеткізді. Ол финалда Талғат Шәйкеннің осал тұсын тапты.

Турнир барысында 75 келіде Тұрсынбай Құлахмет шеберлігін танытты. Ол финалда ресейлік Вадим Туковпен кездескен еді. Оны айқын басымдықпен жеңген қазақстандық боксшы чемпион атанды.

Айта кетерлігі, 81 келі салмақта жекпе-жек өткізілген жоқ. Финалға жолдама алған Бекзат Нұрдәулетовтің алған жарақатына байланысты ол шарша алаңға шығудан бас тартты. Нәтижесінде онымен жекпе-жекке шығатын Ерік Әлжанов чемпион атанды.

Енді екі салмақта жекпе-жектер өткізіледі. Атап айтқанда, 91 келіге дейінгі салмақта тәжірибелі боксшы Василий Левит талантты жас боксшының бірі Айбек Оралбаймен қолғап түйістірсе, 91 келіден жоғары салмақта Қамшыбек Қоңқабаев тағы бір қазақстандық Нұрлан Сапарбаймен шеберлік байқасады.

Естеріңізге сала кетелік, бұдан бұрын Президент кубогында қыздар арасында чемпион атанған боксшылар жайында жазған едікСондай-ақ, жігіттер арасында екі салмақта жеңімпаз болған боксшылар жайында хабарланды.


Біздің каналымызға жазылыңыз:

Басты сөздер: Спорт, Бокс,
Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Айдар Оспаналиев
Айдар Оспаналиев
954-059

MURAǴAT