+7 (701) 759 90 19 Лента
USD 385.96 EUR 423.78
RUB 6.03 CNY 54.16
Jańalyqtar

Президент кубогы - 2019: «Барыс» турнир жеңімпазы болды

2019 жылғы 11 тамыз 19:43
Бөлісіңіз:
Президент кубогы - 2019: «Барыс» турнир жеңімпазы болды

НҰР-СҰЛТАН. ҚазАқпарат - Бүгін елордада шайбалы хоккейден Қазақстан Республикасы Президентінің кубогы мәресіне жетті. Турнир чемпионы атағына «Барыс» командасы қол жеткізді, деп хабарлайды ҚазАқпарат тілшісі.

Ұқсас жаңалықтар
Қасым-Жомарт Тоқаев «Барыс» клубын Президент кубогындағы жеңісімен құттықтады Президент кубогы – 2019: «Барыстың» құрамы және ойындар кестесі жарияланды

Естеріңізге сала кетелік, «Барыс» бұдан бұрынғы үш кездесуде де қарсыластарынан басым түсті. Алдымен, Ресейдің «Ак Барсынан» - 6:1, «Нефтехимигінен» - 4:1, «Автомобилисттен» 3:2 есебімен жеңді.

Бүгін елордалық клуб Ресейдің «Салават Юлаев» командасымен шеберлік байқасты. Уфа қаласынан келген команда «Барысқа» тегеурінді қарсылық көрсетті.

Бірінші кезеңнің 12-минутында «Барыс» хоккейшілері алға шықты. Оны Никита Михайлис соқты. Оған 22-минутта уфалық хоккейші Максим Майоров бір шайбамен жауап қайырды. Кездесудің негізгі кезеңі 1:1 есебімен тең аяқталды. Ойын овертаймға ұласты. Овертаймда да есеп өзгерген жоқ. Буллитте «Барыс» басымдық танытты.

Бүгін турнир барысында тағы бір матч өткізілді. Ресейдің «Автомобилист» командасы «Ак Барсты» буллитте 4:3 есебімен жеңді.

Биылғы турнирде «Барыс» командасы чемпион атанды. Елордалық клуб бұдан бұрын төрт (2010, 2011, 2013, 2015) мәрте жеңімпаз болды.

Екінші орын Екатеринбургтің «Автомобилист» командасына бұйырса, үздік үштікті «Ак Барс» командасы түйіндеді. Соңғы екі орынды «Салават Юлаев» және «Нефтехимик» командалары өзара бөлісті.

Айта кетелік, шайбалы хоккейден Қазақстан Республикасы Президентінің кубогы биыл оныншы мәрте өткізілді.

Біздің каналымызға жазылыңыз:

Басты сөздер: Нұр-Сұлтан, Спорт,
Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT