+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Президент ҚР адам құқықтары саласындағы одан әрі шаралары туралы Жарлыққа қол қойды

2021 жылғы 9 маусым 20:10
Бөлісіңіз:
Президент ҚР адам құқықтары саласындағы одан әрі шаралары туралы Жарлыққа қол қойды

НҰР-СҰЛТАН. ҚазАқпарат - Қазақстан Республикасының адам құқықтары саласындағы одан әрі шаралары туралы Жарлыққа қол қойды, деп хабарлайды ҚазАқпарат Ақорданың ресми сайтына сілтеме жасап.

Ұқсас жаңалықтар
ҚР Президентінің апталық жұмысына бейнешолу Шаруалар өз өнімдерін егін басынан сатуға мәжбүр – Қасым-Жомарт Тоқаев Мемлекет басшысы Реформалар жөніндегі жоғары кеңестің кезекті отырысын өткізді

Адам құқықтары саласында одан әрі шаралар қабылдау мақсатында ҚАУЛЫ ЕТЕМІН:

1. Қазақстан Республикасының Үкіметі:

1) Адам құқықтары саласындағы бірінші кезектегі шаралар жоспарын (бұдан әрі – Іс-шаралар жоспары) бекітсін, онда мынадай жұмыс бағыттарын көздесін:

БҰҰ-ның шарттық органдарымен және БҰҰ-ның Адам құқықтары бойынша кеңесінің арнаулы рәсімдерімен өзара іс-қимыл тетіктерін жетілдіру;

адам саудасы құрбандарының құқықтарын қамтамасыз ету;

мүгедектігі бар азаматтарға қатысты адам құқықтары;

әйелдерге қатысты кемсітуді жою;

бірлесу бостандығына құқық;

пікір білдіру бостандығына құқық;

адамның өмір сүруге және қоғамдық тәртіпке құқығы;

үкіметтік емес ұйымдармен өзара іс-қимыл тиімділігін арттыру;

адамның қылмыстық сот төрелігі, атқару және азаптаулар мен қатыгез іс-әрекеттердің алдын алу саласындағы құқықтары;

2) Іс-шаралар жоспарын іске асыруды қамтамасыз етсін;

3) жыл сайын 25 қаңтарға қарай жыл қорытындылары бойынша Қазақстан Республикасы Президентінің Әкімшілігіне Іс-шаралар жоспарының орындалу барысы туралы ақпарат ұсынсын;

4) осы Жарлықты іске асыру бойынша өзге де шараларды қабылдасын.

2. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.

3. Осы Жарлық қол қойылған күнінен бастап қолданысқа енгізіледі.

Қазақстан Республикасының Президенті Қ.Тоқаев


Нұр-Сұлтан, Ақорда, 2021 жылғы 9 маусым

№ 597


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT