Президент Қазақстанның орман алқабын арттыруға қатысты пікір білдірді
Президент форум барысында Қазақстан орманы аз мемлекеттер қатарында екенін еске салды. Орман қоры алаңы 30 млн гектарды құрайды немесе аумақтың 11 пайызы шамасында.
«Биыл елді жасылдандыру бойынша ауқымды бағдарлама бастау алды. 2025 жылға дейін 2 млрд ағаш отырғызу жоспарланған», - деді Қ. Тоқаев.
Сонымен қатар Мемлекет басшысы Арал теңізінің құрғауы ірі экологиялық апат болғанын, осы орайда тұзды шөлейттер пайда болғанын айтты. Құмды дауылдар атмосфераға ірі көлемде зиянды тұздарды шығарады. Сондықтан Аралдың құрғаған түбіне сексеуіл отырғызуды арттыру бойынша Қазақстанға арнап өзбекстандық әріптестермен бірге бөлек бағдарлама қабылданған. 2025 жылға қарай 1,5 млн гектар қамтылмақ.
Бұдан бұрын хабарланғандай, бүгін Көкшетауда Мемлекет басшысы Қасым-Жомарт Тоқаев пен Ресей Президенті Владимир Путиннің қатысуымен екі елдің XVII Өңіраралық ынтымақтастық форумы онлайн форматта өтіп жатыр.