+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Президент Қазақстанның әрқашан превентивті дипломатияны жақтайтынын айтты

2019 жылғы 4 қазан 01:10
Бөлісіңіз:
Президент Қазақстанның әрқашан превентивті дипломатияны жақтайтынын айтты

СОЧИ. ҚазАқпарат – Қазақстан аймақтық дау-жанжалдарды реттеуде адал бітімгерлікті дұрыс көреді және превентивті дипломатия мен қарусыздандырудың жүйелі жақтаушысы болып қала береді. Бұл туралы Сочиде өтіп жатқан «Валдай» Халықаралық пікірталас клубының жылсайынғы XVI отырысында Қазақстан Президенті Қасым-Жомарт Тоқаев айтты, деп хабарлайды ҚазАқпарат.

Ұқсас жаңалықтар
Мемлекет басшысы: Қазақстанға шетелден тікелей инвестицияны тарту жұмысын тоқтатпау керек Намысымыз қайда – Президент импорттық дәрілерге тәуелділік жайлы Енді нәтиже керек – Президент халықты дәрі-дәрмекпен қамтамасыз ету жайлы

«Қазақстан аймақтық дау-жанжалдарды реттеуде адал бітімгерлікті дұрыс көреді және превентивті дипломатия мен қарусыздандырудың жүйелі жақтаушысы болып қала береді. Мысалы, Астана процесі аясында сирияаралық келіссөздің 13 раунды өтті. Онда Ресей тарапының жағымды рөлі айқын көрініп тұр», - деп атап өтті Мемлекет басшысы.

«Сириялық сюжет - Таяу Шығыста қалыптасқан аса ауыр жағдайдың бір элементі. Сондықтан Қазақстанның халықаралық ресурстарын ескере отырып, БҰҰ Бас ассамблеясының мінберінен аталған аймақ үшін өміршең шешімдерді табуға бағытталған күш-жігерді қолдауға дайын екенімді жеткіздім», - дейді Президент.

«Біз Ауғанстанға жіті көңіл бөліп, тиісті көмекті көрсетіп отырмыз. Соңғы айларда ондағы жағдай, өкінішке қарай, айтарлықтай қиындап кетті. Барлық мүдделі тараптардың көмегімен ауғанаралық процесс бұл елге көптен күткен бейбіт өмірді ала келеді деген үміттеміз», - деп атап өтті Қ. Тоқаев.

Айта кетейік, Қазақстан Президенті Қасым-Жомарт Тоқаев Сочиде өтіп жатқан «Валдай» Халықаралық пікірталас клубының жылсайынғы XVI отырысына қатысты. «Әлемдік құрылым: Шығыстан көзқарас» тақырыбымен өтіп жатқан «Валдай» Халықаралық пікірталас клубының жылсайынғы XVI отырысына Қазақстан Президентімен бірге Иордания королі Абдалла II, Әзербайжан Президенті Ильхам Әлиев және Филиппин Президенті Родриго Дутерте қатысып жатыр.

Біздің каналымызға жазылыңыз:

Бөлісіңіз:

Автор:

Жанат Қапалбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT