+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Президент қазақстандықтарды Ұлттық домбыра күнімен құттықтады

2020 жылғы 5 шілде 08:11
Бөлісіңіз:
Президент қазақстандықтарды Ұлттық домбыра күнімен құттықтады

НҰР –СҰЛТАН. ҚазАқпарат -Мемлекет басшысы Қасым-Жомарт Тоқаев қазақстандықтарды Ұлттық домбыра күнімен құттықтады, деп хабарлайды ҚазАқпарат Ақордаға сілтеме жасап.

Мемлекет басшысы Қасым-Жомарт Тоқаевтың Ұлттық домбыра күнімен құттықтауы


Құрметті отандастар!

Ардақты ағайын!

Сіздерді Ұлттық домбыра күнімен шын жүректен құттықтаймын!

Бұл – Елбасының рухани жаңғыру жолын және салт-дәстүріміздің мән-маңызын дәріптейтін игі бастама.

Қос ішекті қара домбыраның үнінде Ұлы даланың тамыры терең тарихы мен сан ғасырлық шежіресі бар.

Қазақтың бекзат болмысы мен асыл қасиеттері қашанда әнмен әрленіп, күймен көмкерілген.

Халқымыздың төл өнерін төрімізден түспеген домбырасыз елестету мүмкін емес.

Ұлттық рухты күмбірлеген күйден артық көтеретін дүние кемде кем.

Халқымыздың көрнекті ақыны Қадыр Мырза Әлі жырлағандай: «Нағыз қазақ – қазақ емес, нағыз қазақ – домбыра».

Біз ұлттық аспабымыздың бүкіл әлем мойындаған мәдени құндылыққа айналғанын мақтан етеміз.

Атадан балаға аманат болған осындай асыл қазынамызды қадір тұту – бәріміздің қасиетті борышымыз.

Жылдан жылға домбыра тартатын жастардың қатары көбейіп келе жатқаны қуантады.

Қазақтың дәстүрлі ән-күйін насихаттап жүрген барша өнерпаздарға алғыс айтамын.

Домбыра мерекесі құтты болсын!

Әр шаңырақтан ән-күй үзілмесін!


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT