+7 (701) 759 90 19
USD 389.81 EUR 430.27
RUB 6.06 CNY 54.91
Jańalyqtar

Президент: Қазақстан жайылым жерлерінің 40 пайызын ғана кәдеге жаратып отыр

2019 жылғы 17 қыркүйек 17:21
Бөлісіңіз:
Президент: Қазақстан жайылым жерлерінің 40 пайызын ғана кәдеге жаратып отыр

ПЕТРОПАВЛ. ҚазАқпарат – Қазақстан Президенті Қасым-Жомарт Тоқаев ауыл шаруашылығы саласына заманауи агротехнологиялар мен инновацияларды белсенді түрде енгізу қажеттігін мәлім етті, деп хабарлайды ҚазАқпарат Ақорданың Тwitter парақшасына сілтеме жасап.

Ұқсас жаңалықтар
Тоқаевтың БҰҰ 74-сессиясына қатысуына орай әзірленген жаңа деректі фильм көрсетіледі Әбіш Кекілбайұлы қара сөздің құдіреті арқылы елдің намысын оятып, рухын көтерді - Президент Қазақстан-Ресей мемлекеттік шекарасын кесіп өту туралы келісімге өзгерістер енгізілді

Жұмыс сапарымен Солтүстік Қазақстан өңірін аралап жүрген Президент тыңайтқыштар мен ауыл шаруашылығына қажетті химиялық өнімдердің отандық өндірісін дамытуды мәселе етіп көтерді. Президенттің айтуынша, бұл жұмысты шетелдік инвесторларды тарту арқылы жүзеге асыру керек. Мемлекет басшысы өз сөзінде Қазақстан аумағында тыңайтқыштар мен пестицидтерді шығаратын лицензиялық зауыт салу ұсынысын көтеру керектігін атап өтті.

«Ауыл шаруашылығы жерлері ішінара түгенделіп, пайдаланылмай жатқан 16,5 млн га аумақ анықталды. Үкімет барлық ауыл шаруашылығы игілігіндені жерлерді анықтап, жер кадастрының ақпараттық жүйесін цифрландыруы керек. Сонымен қатар, түрлі бағыттағы ет кластерлерін дамыту қажет. Атап айтқанда, қой шаруашылығын, сүт өндіруді және құс шаруашылығын өркендетуге тиіспіз. Сүт өнімі мен құс етін өндіруді екі есе арттырсақ, бүгін біз импорттап отырған қосымша 500 млн доллар өнімін алуға болады», - деп жазды Президент Твиттердегі парақшасында.

Президенттің пайымдауынша, мал шаруашылығын дамыту мақсатында жайылым жерлерді кеңейткен жөн.

«Жайылым жерлерінің кеңдігі бойынша Қазақстан әлемдегі бес елдің қатарына кіре тұра оның 40 пайызын ғана пайдаға жаратып отыр. Фермерлер үшін мұндай жерлерді беру механизмін жетілдіріп, жеңілдету керек», - деді Мемлекет басшысы.

Мемлекет басшысы өз парақшасында сырт жайылымдарды игеру мәселесін көтерді.

«Жеке шаруалар үшін құдық немесе ұңғыма қазып көмектесу керек.Үкімет пен әкімдер алдағы 10 жылда қосымша 50 млн га жайылымды айналымға енгізуі керек», - деді ол.

Еске сала кетсек, Мемлекет басшысы Қасым-Жомарт Тоқаев жұмыс сапарымен Солтүстік Қазақстан облысын аралап жүр. Мемлекет басшысы облыстың бірқатар ауыл шаруашылығы мен индустриялық нысандарында болып, агроөнеркәсіп кешенін дамыту мәселелері жөнінде республикалық кеңес өткізді.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT