23:15, 21 Шілде 2019 | GMT +6
Президент: Қазақ үшін даладан қымбат ештеңе жоқ
НҰР-СҰЛТАН. ҚазАқпарат - Қазақ үшін даладан қымбат ештеңе жоқ. Бұл туралы Мемлекет басшысы Қасым-Жомарт Тоқаев «31арнада» көрсетілген «Президент 2.0» деректі фильмінде айтты, деп хабарлайды ҚазАқпарат тілшісі.
«Қазақ үшін даладан қымбат ештеңе жоқ. «Степь» сөзі қазақша - дала. Ал «Ұлы дала» - ұлан-байтақ еліміз, қазақтың жері, Қазақстан дегенді білдіреді. Бірақ, біздің тауларымыз да бар, Алматыда. Сондықтан даланы барша қазақтың атамекені деп атаймыз», - деді ҚР Президенті.
Мемлекет басшысы жеріміздің аумағындағы таулардың да маңызын баса айтты.
«Ұлы ақын Олжас Сүлейменов айтқандай: «Даланы төмендетпей, тауларды ұлықтау» қажет. Міне, біз осылай өмір сүріп жатырмыз», - деді Қасым-Жомарт Тоқаев.
Фото: mfa.kz