+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Президент этностардың әлеуметтік-мәдени оқшаулануына қарсы шаралар әзірлеуді ұсынды

2021 жылғы 21 қазан 12:56
Бөлісіңіз:
Президент этностардың әлеуметтік-мәдени оқшаулануына қарсы шаралар әзірлеуді ұсынды

НҰР-СҰЛТАН. ҚазАқпарат – ҚР Президенті Қасым-Жомарт Тоқаев елдегі этностық топтардың әлеуметтік-мәдени оқшаулануына қарсы шаралар әзірлеуді ұсынды, деп хабарлайды ҚазАқпарат тілшісі.

«Мемлекеттік органдар, ҚХА мынадай басымдықтарға назар аударуы керек: біріншісі – мүмкіндіктер теңдігі қағидаттарына негізделген өңірлік даму», - деді Қасым-Жомарт Тоқаев ҚХА Кеңесінің кеңейтілген отырысында.

Президенттің айтуына қарағанда, әлемдегі тәжірибе этностардың оқшау шоғырлануы олардың әлеуметтік-мәдени оқшаулануына ықпал ететінін көрсеткен. Бұл этникалық анклавтардың, мәдени және тілдік кедергілердің пайда болуына, этносаралық шиеленістің өсуіне және тіпті қақтығыстардың туындауына әкеледі.

«Сондықтан, әлемдегі осындай жағымсыз тәжірибені ескере отырып, еліміздің ауылдық елді мекендері мен қалаларында тұйықталған этникалық аудандар мен қауымдардың пайда болуының теріс үрдісін еңсеру үшін жүйелі шаралар әзірлеу қажет», - деді Мемлекет басшысы.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT