+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Президент еңбек миграциясы бойынша Үкіметке тапсырма берді

2020 жылғы 22 қазан 13:11
Бөлісіңіз:
Президент еңбек миграциясы бойынша Үкіметке тапсырма берді

НҰР-СҰЛТАН. ҚазАқпарат – Бүгін Ұлттық қоғамдық сенім кеңесінің төртінші отырысында Президент Қасым-Жомарт Тоқаев еңбек миграциясы мәселесін көтерді, деп хабарлайды ҚазАқпарат тілшісі.

Мемлекет басшысы тағы бір өзекті тақырып ретінде қазақстандықтардың еңбек миграциясын атады. Бұл тақырып өте өзекті, оны назардан тыс қалдыруға болмайды. Себебі жыл сайын отандастырымыз еңбек мигранттары атануда. Біздің азаматтар шетелде тек жоғары біліктілік талап етіліп жүрген саладан бөлек, басқа да бағыттарда қызмет етуде.

«Олардың көбісі қызмет көрсету секторында жұмыс істеуде, сол жерлерде олар өз елінде істеуге келісе бермейтін жұмысқа баруға дайын. Сонымен бірге, осындай жағдайларда еңбек қатынастары ресми реттелмейтіні анық», - деді Президент.

Қ. Тоқаев бірқатар елдерде қазақстандықтар заңсыз жұмыс істеп жүргенін айтты. Бұл тұрғыда тіркеуге қатысты қиындықтар туындап, еліміздің азаматтары күн сайын түрлі тұрмыстық мәселелерге тап болуда.

«Бұл ахуал пандемия кезінде айқын көрінді. Қазіргі әлемде еңбек миграциясы жаһандық сипатқа ие екенін түсіну керек», - деді Мемлекет басшысы.

Президент бұл көп қырлы процестің оңтайлы жақтары бар екенін, яғни біліктілікті арттыру, жаңа дағдыларды меңгеру, өз ісін бастаудағы бастапқы капиталды жинау және басқа да бағыттарда бейімделу мүмкінді бар екенін жеткізді.

«Сондықтан мемлекет қазақстандықтардың әлеуетін жүзеге асыру үшін барлық күш-жігерін салады, оның ішінде еңбек миграциясындағылар да қамтылады. Үкімет осы мәселелерді зерделеп, тиісті ұсыныстарды енгізуі тиіс», - деді Президент.


Біздің каналымызға жазылыңыз:

Бөлісіңіз:

Автор:

Руслан Ғаббасов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT