+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Президент елорда волонтерлерін «Халық Алғысы» медалімен марапаттады

2020 жылғы 30 қыркүйек 20:36
Бөлісіңіз:
Президент елорда волонтерлерін «Халық Алғысы» медалімен марапаттады

НҰР-СҰЛТАН. ҚазАқпарат – Елорда әкімі Алтай Көлгінов волонтерлер мен қаланың белсенді тұрғындарына «Халық Алғысы» медальдарын табыс етті, деп хабарлайды ҚазАқпарат.

Ұқсас жаңалықтар

«Қала тұрғындары пандемия кезінде ұйымшылдық танытты, жақындарына көмектесіп, Covid-19-дің таралмауына өздерінің үлесін қосты. Еріктілер бақылау-өткізу бекеттерінде кезекшілік атқарды, дезинфекция жасауға қатысты, жедел штабта да жұмыс істеді. Азаматтарымыздың тұрмысы төмен санаттарына дәрі-дәрмек, азық-түлік пен қорғануға арналған заттарды таратты. Бірлескен еңбектің арқасында жағдайды тұрақтандыра алдық.
Мемлекет басшысы қайырымдылық, волонтерлік ұйымдар және бизнес саласы өкілдерімен онлайн кездесуде қайырымдылық пен волонтерлік пандемия кезінде жалпыұлттық деңгейге жетіп, әлеуметтік нормаға айнала бастағанын айтты. Президент волонтерлік қызметті дамыту, қайырымдылық және меценаттықты қолдау – мемлекеттің ұзақ мерзімді басымдығы екенін атап өтті», - деп жазды А.Көлгінов Instagram-да.


Қала басшысы атап өткендей, Елбасы бастамасы бойынша құрылған «Біз біргеміз» қоры мыңдаған отбасыға қаржылай көмек көрсетті, елордалықтар жоғары әлеуметтік жауапкершілік танытты.
«Кездесуде құрамына волонтерлік ұйымдар мен қозғалыстардың барлық өкілі кіретін бірыңғай платформа құру мәселесін талқыладық. Бұл ешкім шет қалмас үшін мұқтаж адамдарға жеке-жеке көмек көрсетуге мүмкіндік береді. Бұған қоса бөлінген көмектің ашықтығы қамтамасыз етіледі. Сондай-ақ волонтерлік ұйымдарды дамыту және қолдаудың бірқатар бағыты жайлы сөз қозғадық.
Бүгін Президент атынан белсенді еріктілер мен азаматтарға «Халық Алғысы» медалін табыстадым. Осындай қиын кезеңде аянбай еңбек етіп, өзара жәрдемдескендеріңіз үшін алғыс айтамыз», - деді Алтай Көлгінов.


Біздің каналымызға жазылыңыз:

Бөлісіңіз:

Автор:

Аяулым Алтынбек

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT