+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Президент денсаулық сақтау саласындағы жүйелі қателіктерді ашық айтты – сарапшы

2020 жылғы 8 шілде 23:19
Бөлісіңіз:
Президент денсаулық сақтау саласындағы жүйелі қателіктерді ашық айтты – сарапшы

НҰР-СҰЛТАН. ҚазАқпарат – Еуразиялық интеграция институтының сарапшысы Бауыржан Серікбаев Мемлекет басшысы Қасым-Жомарт Тоқаевтың елімізде қалыптасқан ахуалға байланысты үндеуіне қатысты пікір білдірді, деп хабарлайды ҚазАқпарат тілшісі.

Ұқсас жаңалықтар
3,5 мыңнан астам ауыл жаңартылады - Президент «Алғашқы жұмыс орны» жобасы іске қосылады Қазақстанда 800 жаңа мектеп салынады - ҚР Президенті

«Байқасаңыздар, Президент мәселеге келгенде проблеманы ашық мойындайды. Бұрынғыдай «Бізде бәрі жақсы» деген белден басу жоқ. Естеріңізде болса сайлаудан кейін Қазақстан халқының кедейленіп кеткенін ашық айтты. Артынша несиені де кешірді. Табысы көптер көп салық төлесін, кірісі аздар аз төлеуі қажет деп әлеуметтік әділеттілік туралы да оң бастамалардың бастауында жүр», - деп жазады Бауыржан Серікбаев Facebook парақшасында.

Оның жазуынша, ең бастысы Мемлекет басшысы бүгін халқы қиналып жатқанда көңілге демеу беріп, денсаулық сақтау саласында жүйелі қателіктер болғанын да ашық айтқан. Бұған қатысты барлық сала жұмыстарына тексеру жүргізетінін, әкімдердің жұмысына көңілі толмайтынын да білдірген.

«Президент қадамдарынан жағдайды бақылап отырғаны, өзгеріске деген құлшынысы байқалады. Тәжірибелі саясаткерлерге тән сабырлық пен ақырындап алға жылжу бар. Президент осылай жиі шығып, тосыннан келген індеттен абдырап қалған халыққа демеу болса дейміз», - дейді Бауыржан Серікбаев.

Еске сала кетсек, бүгін Мемлекет басшысы Қасым-Жомарт Тоқаев республикалық телеарналар арқылы елімізде қалыптасқан ахуалға байланысты үндеу жариялаған болатын.



Біздің каналымызға жазылыңыз:

Бөлісіңіз:

Автор:

Аян Бекенұлы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT