Президент денсаулық сақтау министрлігінің жаңа басшылығына тапсырма берді

НҰР-СҰЛТАН. ҚазАқпарат - Қазақстан Президенті Қасым-Жомарт Тоқаев денсаулық сақтау министрлігінің жаңа басшылығына тапсырма берді, деп хабарлайды ҚазАқпарат.

«Үкіметке және Денсаулық сақтау министрлігінің жаңа басшылығына келесі аптада коронавирус жағдайын тұрақтандыру, оның одан әрі таралуына жол бермеу, ауруханалар мен емханалардағы азаматтарға көрсетілетін қызметті жақсарту жөнінде қосымша шаралар әзірлеп ұсыну тапсырылды» деп жазады Мемлекет басшысы Twitter парақшасында.