+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Президент Денсаулық сақтау министрі Алексей Цойды қабылдады

2021 жылғы 16 маусым 20:48
Бөлісіңіз:
Президент Денсаулық сақтау министрі Алексей Цойды қабылдады

НҰР-СҰЛТАН. ҚазАқпарат - Президент Денсаулық сақтау министрі Алексей Цойды қабылдады, деп хабарлайды Ақорда.

Ұқсас жаңалықтар
Қасым-Жомарт Тоқаевтың Тәжікстанға екі күндік жұмыс сапарының видеосы жарияланды Ауғанстанның жаңа билігі жастардың Қазақстанда білім алуына кедергі болмайды деп үміттенемін - Тоқаев Ауғанстанның жаңа билігімен бейресми диалогқа бастама жасау қажет – ҚР Президенті


Қасым-Жомарт Тоқаевқа Қазақстандағы қазіргі санитарлық-эпидемиологиялық ахуал және тұрғындарға екпе салу барысы туралы есеп берілді.

Министрдің айтуынша, жалпы еліміздегі ахуал тұрақты, өткен айлармен салыстырғанда індет жұқтырғандардың саны екі есе қысқарған.

Республика бойынша өлім-жітім көрсеткіші 2 аптаның ішінде 1,6 есе төмендеген.

Өңірлердегі эпидемиологиялық ахуалдың жақсаруына байланысты ауруханаларда ем алып жатқан науқастардың саны азайған.

16 маусымдағы жағдай бойынша Мемлекет басшысына ұсынылған мәліметтерге сәйкес COVID-19 індетіне қарсы вакцинаның бірінші компоненті 2 миллион 587 мың адамға, екінші компоненті 1 миллион 480 мың адамға салынған.

Күн сайын шамамен 80-100 мың адамға екпе егіледі. Өңірлерде вакцина тапшылығы жоқ. Вакцина кестеге сәйкес жеткізілуде.

Қасым-Жомарт Тоқаев халықты вакциналау мәселесіне назар аударып, өңірлер бойынша аталған бағыттағы жұмыстарды күшейтуді тапсырды.

Президент екпе егу коронавирус індетін еңсерудің бірден-бір жолы екенін еске салып, халықты Қазақстанда қолжетімді вакциналарды белсенді түрде салғызуға шақырды.

Мемлекет басшысы дәрігерлерді қорғау мәселесіне арнайы тоқталды.

Оның пікірінше, медицина қызметкерлерінің құқықтық және әлеуметтік тұрғыдан қорғалуы әлі де төмен деңгейде қалып отыр.

Осы орайда дәрігерлердің мәртебесін айқындаудың және оларды ынталандырудың кешенді жүйесін енгізу қажет.

Қасым-Жомарт Тоқаев Алексей Цойға медицина қызметкерлерінің мәртебесін қолдау жөніндегі заңнамалық бастамаларды пысықтауды тапсырды.

Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT