Президент: Білім министрі қаржы министрінен кейін тұруы керек

None
None
НҰР-СҰЛТАН. ҚазАқпарат – Білім беру саласы Үкімет қызметінің басым бағыты болу керек. ҚР Президенті Қасым-Жомарт Тоаев осылай деп мәлім етті.

«Ата-аналар балаларына сапалы беру үшін барлық отбасылық ресурсты үнеммен жұмсайды. Мемлекет сапалы білім берудің қолжетімділігі бойынша ата-аналарға көмектесуі керек.

Үкімет білім беру саласына өз қызметінің басым бағыты ретінде қарауы керек. Дамыған елдердің бәрінде осылай. Бірнеше мемлекетте білім министрі министрлер рейтингінде қаржы министрінен кейін алдыңғы үштікте тұратынын білемін. Біз де оған жетеміз деп ойлаймын», - деген Мемлекет басшысы жасанды интелект туралы өз пікірін білдірді.

«Қазір жалпы ішкі өнімнің өсімін зияткерлік қызметтер секторы беріп отыр. Бұл айқын тенденция. Келешекте әлемді жасанды интеллект басқаратын болады. Ол кезең қыр астында тұр. Біздің көз алдымызда болатын құбылыс бұл», - деді Президент.

Еске салсақ, елордадағы Тәуелсіздік сарайында Мемлекет басшысы Қасым-Жомарт Тоқаевтың қатысуымен Тамыз конференциясы өтіп жатыр.

Сондай-ақ, Қасым-Жомарт Тоқаев Тамыз конференциясында ағылшын тілін оқыту қай сыныптардан басталатынын айтты.

Конференция барысында Мемлекет басшысы барлық педагогтардың еңбек демалысы 56 күн болатынын мәлімдеді.


Соңғы жаңалықтар