Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

Президент: Азаматтар сапалы мемлекеттік қызметті автоматты түрде алуы тиіс

2019 жылғы 27 маусым 20:20 669
Бөлісіңіз:
Президент: Азаматтар сапалы мемлекеттік қызметті автоматты түрде алуы тиіс

НҰР-СҰЛТАН. ҚазАқпарат - Қазақстан Президенті Цифрлық даму, инновациялар және аэроғарыш өнеркәсібі министрі Асқар Жұмағалиевті қабылдады, деп хабарлайды ҚазАқпарат Ақордаға сілтеме жасап.

Мемлекет басшысына министрліктің қазіргі жұмыстары мен «үлкен деректерге» және жасанды интеллектке талдау жасауға байланысты  «Цифрлық Қазақстан» мемлекеттік бағдарламасы жобаларының жүзеге асырылуы туралы баяндалды.

Қасым-Жомарт Тоқаев министрліктің жүргізіп жатқан жұмыстарының өзектілігін атап өтіп, көрсетілетін мемлекеттік қызметті және жалпы экономиканы цифрландырудың маңызды екенін айтты.

- Бүгінде түрлі дәрежеде кедергі келтіретін үдерістердің бәрін жойып, оларды автоматтандыру керек. Азаматтар сапалы мемлекеттік қызметті ешқандай қиындықсыз, автоматты түрде алуы тиіс, - деді Қазақстан Президенті.

Сонымен қатар, Мемлекет басшысына еліміздегі қалыптасып жатқан инновациялық экожүйе мен оның негізі саналатын «Astana Hub» IT-стартаптар халықаралық технопаркі туралы мәлімет берілді. Асқар Жұмағалиевтің айтуынша, қазіргі таңда технопарк қалыпты жағдайда жұмыс істейді және оның әлеуеті толыққанды пайдаланылуда. 260-тан астам компания акселерациядан өтті. Соның арқасында Қазақстанға 28 миллиард теңгеге жуық қаржы тартылды.

 

 

 

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT