USD 434.24 EUR 492.69
RUB 5.67 CNY 68.46
Jańalyqtar

Президент Алматыда қаза болған бейбіт тұрғындардың нақты санын анықтауды тапсырды

2022 жылғы 15 қаңтар 13:51
Бөлісіңіз:
Президент Алматыда қаза болған бейбіт тұрғындардың нақты санын анықтауды тапсырды

НҰР-СҰЛТАН. ҚазАқпарат- Мемлекет басшысы Қасым-Жомарт Тоқаев Алматыда жаппай тәртіпсіздіктер кезінде қаза болған бейбіт тұрғындардың нақты санын анықтауды тапсырды, деп хабарлайды ҚазАқпарат.

Ұқсас жаңалықтар
Елордада ТЖ режимі кезінде 7 қару тәркіленді Ерлан Қарин: Полиция, әкімшілік ғимараттарына, әлеуметтік нысандарға шабуылдау –  экстремизмнің белгісі Лаңкестерге қарсы операция режимі бірқатар өңірде сақталады – Мемлекеттік хатшы

Бұл туралы Президент бүгін күштік құрылымдардың басшыларымен кездесуінде айтты.

«Кеңес қорытындысы бойынша Қасым-Жомарт Тоқаев бірқатар нақты тапсырмалар берді. Қазақстанда, соның ішінде Алматыда болған қайғылы жағдайларды жан-жақты зерттеу мәселесіне, қаза болған бейбіт тұрғындардың нақты санын анықтауға, қиын-қыстау кездерде күштік құрылымдардың іс-қимылдарын үйлестірудің жаңа нормативтік базасын әзірлеуге баса мән берілді. Қасым-Жомарт Тоқаев Қауіпсіздік Кеңесінің хатшысына Арнаулы операциялар күштерін жасақтау жұмыстарын жеделдетуді және ұлттық қауіпсіздік жүйесін қайта құру жөнінде нақты ұсыныс беруді тапсырды. Президент лаңкестікке қарсы операциялар мен тергеу шараларын жүргізу барысында азаматтар құқығының бұзылуына жол бермеудің маңызды екенін айтты»,-делінген Ақорда таратқан ақпаратта.

Айта кетейік, Мемлекет басшысының қатысуымен өткен мәжіліске Жиынға Бас прокуратураның, Ұлттық қауіпсіздік комитетінің, Қорғаныс және Ішкі істер министрліктерінің бірінші басшылары, сондай-ақ Президент Әкімшілігінің басшылығы мен Қауіпсіздік Кеңесінің Аппараты қатысты.

Мемлекет басшысына қаңтар айының бірінші онкүндігінде еліміздің бірқатар өңірінде болған оқиғалар бойынша сотқа дейінгі алдын ала тергеу амалдарының барысы, сондай-ақ арнайы жүргізілген операциялардың нәтижелері, елімізде қоғамдық қауіпсіздік пен құқықтық тәртіпті қамтамасыз ету шаралары туралы баяндалды.



Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT