12:21, 14 Қараша 2019 | GMT +6
Президент: Ақмола үшін іргелес орналасқан елорда - үлкен нарық
КӨКШЕТАУ. ҚазАқпарат - Мемлекет басшысы Қасым-Жомарт Тоқаев Көкшетау қаласында Ақмола облысын дамыту мәселелері жөнінде кеңес өткізуде. Бұл жөнінде Ақорданың Twitter парақшасына сілтеме жасап ҚазАқпарат хабарлайды.
«Нұр-Сұлтан қаласындағы тұтынушыларды сапалы өніммен қамтамасыз ету керек. Ақмола облысының артықшылықтары көп. Ең бастысы, бұл аймақ Елордамен іргелес орналасқан. Бұл дегеніміз – үлкен нарық. Әкімдік осы бағыттағы жұмыстарды қолға алуы керек», - деді Президент.