+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Премьер-Министр: Бағаны қымбаттатуға ешбір себеп жоқ

2020 жылғы 15 қыркүйек 10:29
Бөлісіңіз:
Премьер-Министр: Бағаны қымбаттатуға ешбір себеп жоқ

НҰР-СҰЛТАН. ҚазАқпарат - Бүгін Үкімет отырысында Премьер-Министр Асқар Мамин әлеуметтік маңызы бар тауарлар бағасын реттеу мен азық-түлікпен қамтамасыз ету бағытында тапсырмалар берді, деп хабарлайды ҚазАқпарат тілшісі.

Ұқсас жаңалықтар
ҚР Премьер-Министрі ҚР азаматының жеке куәлігін ресімдеуге қатысты қаулыға өзгеріс енгізді Ералы Тоғжанов əнші Қарақат Башанова мен боксшы Данияр Елеусіновті қабылдады Пандемия кезінде алматылықтар азық-түлікпен қалай қамтылды

«Біз импортқа тәуелділікті азайту үшін жұмыс істеп жатырмыз. Бағаны қымбаттатуға ешбір себеп жоқ. Әлеуметтік маңызы бар тауарлардың барлық түрлері бойынша бағаның тұрақтылығына қатаң бақылау қамтамасыз етіледі», - деді Үкімет басшысы.

Осы орайда ол тиісті тапсырмалар жүктеді.

«Халықаралық астық нарығында қалыптасып отырған конъюнктураны ескеріп, Ауыл шаруашылығы министрлігі әкімдіктермен бірлесіп, сыртқы жағдайға және азық-түлік қорының жеткілікті болуы мен әлеуметтік маңызы бар тауарлар бағасының тұрақтылығына мониторингті жалғастыруы қажет. Екіншіден, Ауыл шаруашылығы министрлігі «қайтарымды схема» арқылы сауда желілеріне жеңілдікті қарыз беру механизімін кеңейту, сондай-ақ әлеуметтік маңызы бар тауарлар бағасының тұрақтылығын қамтамасыз ету үшін форвардтық сатып алу практикасын барлық өңірлерде енгізуді тапсырамын», - деді Асқар Мамин.

Мұнымен қоса, Премьер-Министр азық-түлік қауіпсіздігін қамтамасыз ету үшін әкімдіктерге импортқа тәуелді тауарлар өндірісін ұлғайту бойынша жобаларды басым тәртіппен іске асыруды тапсырды.

«Ауыл шаруашылығы министрлігі мен әкімдер өзімізде өндірілетін азық-түліктің, әсіресе, картоп, ұн, сәбіз және қарақұмық жармасы бағасын өсіруге жол бермеуі қажет. Елдің барлық қажеттілігін толығымен қамтамасыз ету үшін олар жеткілікті көлемде өндіріледі. Әкімдер осы мәселені ерекше бақылауға алсын», - деді ол.


Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT