+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Праймериз: Ақтөбе облысынан Мәжіліске 4 үміткер тіркелді

2020 жылғы 17 қараша 15:41
Бөлісіңіз:
Праймериз: Ақтөбе облысынан Мәжіліске 4 үміткер тіркелді

АҚТӨБЕ. ҚазАқпарат - Ақтөбе облысынан ұсынылған үміткерлердің ішінде жастар және медицина қызметкері бар. Олар «Nur Otan» партиясы Ақтөбе облыстық филиалының кезектен тыс XXX конференциясында пікірсайыс пен дауыс беру қорытындысы арқылы анықталды, деп хабарлайды ҚазАқпарат тілшісі.

Өңірде үміткерлер арасында пікірсайыс өтті. Олар өз сайлауалды бағдарламасын таныстырып, жобаларын ұсынды. Кейбірі өзекті мәселелерді қозғап, шешу жолын көрсетті.

Пікірсайыс қорытындысы бойынша 15 үміткерге «Праймериз» ақпараттық жүйесі арқылы 109 делегат дауыс берді. Нәтижесінде ең көп ұпай жинаған төртеуі облыстың өкілдік квотасына сәйкес Мәжілістегі партиялық тізімге үміткер ретінде тіркелді.

Нәтижесінде Грек-рим, еркін және әйелдер күресі облыстық федерациясының президенті Рахат Сыдықов ең көп дауыс жинады. Екінші орынды 96 дауыспен мемлекеттік қызметкер Аманғали Бердалин иеленді.

Сонымен бірге тізімге «DARU Medical Group» бас директоры Ғалымжан Елеуов, «Jas Otan» жастар қанаты Ақтөбе облыстық филиалының төрағасы Асылжан Бүркіталин кірді.

«Праймериз – біздің ортақ жеңісіміз. Мақсат бір. Ол мақсат – ел мен халыққа қызмет ету, мемлекетімізді көркейту. Пікірсайыс барысында түрлі мәселе көтерілді, оның шешу жолдары да айтылды. Мұнда «жүзден жүйрік, мыңнан тұлпар» дегендей ең үздігі анықталды», - деді партияның облыстық филиалының төрағасы, облыс әкімі Оңдасын Оразалин. Конференцияда облыстық мәслихатқа 50 адамнан тұратын партиялық тізім бекітілді. Оның ішінде әйелдердің үлесі 9 пайыздан 30 пайызға ал 35 жасқа дейінгі жастар қатары 20 пайызға артты. Тізімдегілердің 41 пайызын шағын және орта бизнес өкілдері құрады. Ал білім беру саласы 13 пайыз, квазимемлекеттік сектор – 8 пайыз.

Айта кету керек, облыс бойынша праймериздің бірінші кезеңіне 460 үміткер қатысты. Оның 36,7 пайызын әйелдер, 28 пайызын 35 жасқа дейінгі жастар құрады.

Дауыс беруге 28,6 мыңнан астам партия мүшесі қатысты.



Біздің каналымызға жазылыңыз:

Бөлісіңіз:

Автор:

Алтынай Сағындықова

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT