Пойыздарда жолаушыларға қызмет көрсетудің жаңа стандарттары қабылданады

НҰР-СҰЛТАН. ҚазАқпарат - Елімізде вокзалдар мен пойыздарда жолаушыларға қызмет көрсетудің жаңа стандарттары қабылданады. Бұл туралы ҚР Индустрия және инфрақұрылымдық даму министрлігі Автомобиль жолдары комитетінің төрағасы Сайранбек Бармақов мәлім етті, деп хабарлайды ҚазАқпарат тілшісі.

Ұқсас жаңалықтар

Орал тұрғыны өзге елден автокөлік айдап келемін деп 2 млн теңге жымқырған

Балқашта жол апатынан екі адам қаза тапты «Алматы-Ташкент-Термез» тас жолының 536-593 шақырымы барлық көліктер үшін жабық 2020 жылы Қазақстанда 77 мың көлік шығарылды

«Темір жолдың жылжымалы құрам паркін жаңартуға 657 млрд теңге, оның ішінде жекеменшік көздерден 455 млрд теңге бөлу жоспарланған. 2025 жылға дейін магистральдық темір жол желісінің тозуын 49 пайызға дейін және локомотивтерді 58 пайызға дейін төмендету көзделген. Осы жылы 50 вагон сатып алынды. Сондай-ақ, әлеуметтік маңызы бар облысаралық қатынастарды субсидиялау бойынша жұмыс жалғасуда. Оған қазірдің өзінде 20 млрд теңге бөлінді», - деді комитет төрағасы Орталық коммуникациялар қызметіндегі баспасөз мәслихатында.

Сонымен қатар ол бүгінгі таңда темір жол тасымалдары нарығында салауатты бәсекелестікті дамытуға бағытталған Темір жол көлігі туралы заңның тұжырымдамасы әзірленіп жатқанын айтты.

«Мұнан басқа, вокзалдар мен пойыздарда жолаушыларға қызмет көрсетудің жаңа стандарттары қабылданатын болады. Бұл жолаушыларды теміржол көлігімен тасымалдау сапасын жоғарылатуға әсер етеді», - деді Сайранбек Бармақов.