Қолданушы баптаулары
Қолданушы баптаулары
+7 (701) 759 90 19 Лента
USD 368.28 EUR 419.21
RUB 5.59 CNY 53.08
Jańalyqtar

Пойыз билеттерінің тапшылығы: Депутаттар алыпсатарлардың пайдасын санап шықты

2018 жылғы 12 қыркүйек 17:58 809
Бөлісіңіз:
Пойыз билеттерінің тапшылығы: Депутаттар алыпсатарлардың пайдасын санап шықты

АСТАНА. ҚазАқпарат - Парламент Мәжілісінің депутаттары Астанадағы теміржол вокзалының жұмысын сынға алды. "Ауыл" партиясының өкілі Фарид Ақбердиевтің айтуынша, пойыз билеттерінің тапшылығы қолдан жасалып отыр, деп xабарлайды ҚазАқпарат тілшісі.

Ұқсас жаңалықтар
Нұрлан Нығматулин Түркияның Ұлттық Жиналысының төрағасымен кездесті Нұрлан Нығматулин РФ Мемлекеттік Думасының төрағасымен келіссөздер жүргізді

"Мәселен, Астананың теміржол вокзалына барып көріңізші. 14 кассаның екеуі ғана істеп тұрады. Таңертең келсең, билетті кешке қарай аласың. Себебі олар барлық кассаларды жекеменшік компанияларға беріп тастаған", - деді Ф.Ақбердиев экономикалық реформа және өңірлік даму комитетінің отырысында.

Депутат алыпсатарлардың пайдасын да санап шықты. Оның сөзіне қарағанда, бүгінде жекеменшік кассада комиссияның көлемі 700 теңгені құрап отыр. Үш адам бір жаққа билет алса, 2100 теңгені төлеу керек. Оған қоса, қайтатын билеттердің комиссиясы тағы бар. "Сонда үш адам барып келгенге 4200 теңгенің комиссиясын төлейді. Ал ол ақшаның бәрі кімнің қалтасына кетіп жатыр? Қазір ғаламторды ашып қарасаңыз, Қазақстан бойынша 4 000 жекеменшік касса бар екен. Соның 208-і ғана "Жолаушылар тасымалы" АҚ-сына тиесілі. Демек, жекеменшік кассалардың 4,6 проценті ғана билетті комиссиясыз сатады. Бұл не өзі? Сонда xалықты кім ойлайды? Әлде, бизнестің жағдайын жасап, жүре береміз бе?", - деп атап көрсетті Ф.Ақбердиев.

Айта кетейік, Парламент Мәжілісінің депутаттары көлік мәселелері бойынша кейбір заңнамалық өзгерістерді талқылауға кірісті. Соның ішінде республикалық жолдарда көлік құралдарын жаппай тоқтату тәжірибесіне тыйым салу мәселесі де бар.  Бұдан бөлек, Uber, InDriver мен Яндекс Такси сияқты мобильді қосымшалар бойынша адам таситын көлік жүргізушілерін заңдастыру шаралары қолға алынады

 

 

Біздің каналымызға жазылыңыз:

Басты сөздер: Парламент, Қоғам,
Бөлісіңіз:

Автор:

Арман Асқаров

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT