+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Пойыз бен автобустың соқтығысуы: үш адам жансақтау бөлімінде жатыр

2019 жылғы 15 қыркүйек 22:56
Бөлісіңіз:
Пойыз бен автобустың соқтығысуы: үш адам жансақтау бөлімінде жатыр

ТАЛДЫҚОРҒАН.ҚазАқпарат – Алматы облысындағы Шамалған станциясында болған автобус пен пойыздың соқтығысуы салдарынан бір адам мерт болып, 3 адам жансақтау бөлімінде жатыр, деп хабарлайды ҚазАқпарат тілшісі.

«9 жедел жәрдем көлігі 15 минутта оқиға орнына жетті. 1979 жылғы азамат оқиға орнында көз жұмған. Ал тағы үш адам түрлі дене жарақатымен Қарасай аудандық ауруханасына жеткізілді. Оның екеуі бала, біреуі әйел адам. Үшеуі де жансақтау бөлімінде жатыр», деді Алматы облыстық денсаулық сақтау басқармасының баспасөз хатшысы Ләйлім Әубәкірова.

Естеріңізге сала кетейік, бүгін 19:30 минутта Шамалған станциясында пойыз бен автобус соқтығысты. Алдын ала болжам бойынша, автобус темір жолдың релсіне шығып кеткен. Оқиға орнында автобус жүргізушісі мерт болды. Тағы үш адам түрлі дене жарақатымен ауруханаға жеткізілді.

ҚР Президенті Қасым-Жомарт Тоқаев Ақсеңгір-Шамалған теміржол өткелінде поезд бен автобус соқтығысынан жапа шеккендердің туған-туыстарына көңіл айтты.



Біздің каналымызға жазылыңыз:

Бөлісіңіз:

Автор:

Самал Қабышева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT