+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Полиция мектептегі бұзақылықты тергеп жатыр - Алматы

2015 жылғы 30 қараша 16:27
Бөлісіңіз:
Полиция мектептегі бұзақылықты тергеп жатыр - Алматы

АЛМАТЫ. ҚазАқпарат - Алматыда №7 жалпы білім беретін мектепте белгісіз біреулер бұрыш балонын шашты. Бірнеше балаға көмек көрсету үшін жедел жәрдем шақырылды.

Аталған дерекке қатысты ҚР ҚК 293-бабының 1-тармағы бойынша қылмыстық іс қозғалды. Оқиға орнында Медеу ауданының жедел-тергеу тобы жұмыс жасап жатыр.

«Қазіргі таңда мектепте бұрыш балонын сепкен жоғарғы класс оқушыларын анықтау үстіндеміз. Кейін олардың неге бұл қадамға барғанын анықтаймыз. Мұғалімдер дер кезінде дабыл қаққан. Балалардың барлығын сыртқа шығарып, жедел жәрдем шақырған», - деді Медеу аудандық ІІБ басшысы Ерлан Оралбеков.

Айта кету керек, шұғыл хабарлама кезекші пультіне түс болмай түскен. Аталған дерек бойынша тергеу амалдары жалғасуда.

Бұған дейін әлеуметтік желілерде балалардың ата-аналары мектеп дәретханасында газ балоны жарылды деген ақпарат таратқан болатын. Полиция бұл қауесетті жоққа шығарды.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT