Полицейлермен болған жанжал: Қостанай полиция департаменті атышулы видеоға қатысты түсінік берді
Мессенджерлерде үш ер адам, екі әйел және бір баланың қатысуымен болған видео таралып жатыр. Онда үш ер адамның жанжалдасып тұрған сәт түсірілген. Видеодағы екі ер адам – полиция қызметкерлері үшінші ер адамды күштеп алып кетпек болғаны түсірілген. Сол уақытта әйелдердің бірі бұны таспаға түсіріп жатса, екіншісі күйеуін полицейлерден арашалап алмақ болып тұрған. Бұл ретте әңгіме барысында боқауыз сөздер айтылды. Тәртіпсіздіктің барлығы кішкентай баланың көз алдында болды.
Полицияның мәліметінше, қазіргі кезде полиция қызмкеткерлерінің қоғамдық жерде мас күйінде жүрген азаматты ұстап жатқаны түсірілген видеоны тарату фактісі бойынша тексеру жүргізіліп жатыр.
«Патрульдік полицейлердің Жітіқара қаласының 39 жастағы азаматын ұстау кезіндегі әрекетінің заңдылығына баға беріледі. Қазіргі кезде тәртіп бұзушыға қатысты қоғамдық жерде мас күйінде жүріп, боқауыз сөз айтқаны үшін ұсақ бұзақылық фактісі тіркеліп, ҚР Әкімшілік құқықбұзушылық туралы кодексінің 434-бабы бойынша әкімшілік хаттама толтырылды.
Жітіқара ауданы полиция бөлімінің бастығы Болат Иманов жанжал қатысушыларымен кездескенін атап өтті.
«Полиция қызметкерлеріне қатысты тәртіптік өндіріс басталды, сондай-ақ жетоннан түсірілген видео зерттеледі», - деп түйіндеді полиция қызметінде.