+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Полицейлерді аттестациялау: Бірінші басшылардың 60 пайызы ауысты

2019 жылғы 11 қараша 16:49
Бөлісіңіз:
Полицейлерді аттестациялау: Бірінші басшылардың 60 пайызы ауысты

НҰР-СҰЛТАН. ҚазАқпарат – Ішкі істер министрі Ерлан Тұрғымбаев полицейлерді кезектен тыс аттестациялаудың қорытындысын жариялады, деп хабарлайды ҚазАқпарат тілшісі.

«Мемлекет басшысының Жарлығына сәйкес, 17 қазан мен 1 қараша аралығында ішкі істер органдарының басшылары кезектен тыс аттестациялаудан өтті. Басты мақсат – басшылардың мәдени және құқықтық сауатын анықтау, азаматтармен жұмыс жүргізу деңгейін анықтау, сервистік полицияға өту үшін олардың дайындығын тексеру, басшылық құрамды іріктеп, кадрлық резервті жасақтау, қызметіне сай келмейтін басшыларды орнынан босату. Аттестация кезінде Президент Әкімшілігі басшысының өзі төрағалық жасады», - деді Ерлан Тұрғымбаев ІІМ-де өткен баспасөз мәслихатында.

Министрдің айтуынша, кезектен тыс аттестациядан комитет төрағалары, департамент басшылары, оқу орындарының басшылары және олардың орынбасарлары өткен.

«Аттестация уақыты сәуір айынан қазан айына өзгерген болатын. Осы уақыт аралығында сыбайлас жемқорлыққа қарсы саясат шеңберінде бірқатар басшылар ауысты. Қорытынды бойынша Бірінші басшылардың 60 пайызы ауысты. Барлығы - 21 басшы. Орталық аппарат – 12, облыс басшылары – 9. Олар – Нұр-Сұлтан қаласы, Ақмола, Ақтөбе, Атырау, Қарағанды, Қызылорда, Павлодар, СҚО облыстарындағы департаменттер мен Көліктегі полиция департамент басшылары. Сонымен қатар, орталық аппараттан 15 орынбасар, аймақтарда бастықтардың 25 орынбасары ауысты. Оқу орындарының басшылары 40 пайызға өзгерді. Оның төртеуі – бірінші басшылар, алтауы – орынбасарлар», - деді министр.

Еске сала кетсек, Қазақстанда полиция қызметкерлерін кезектен тыс аттестаттау 2019 жылғы 1 қазанда басталатыны бұған дейін хабарланған болатын.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT