16:36, 17 Қыркүйек 2020 | GMT +6
Полицейді балағаттаған маңғыстаулық 40 сағатқа қоғамдық жұмысқа тартылды
АҚТАУ. ҚазАқпарат - Маңғыстау облысының тұрғыны полицейді балағаттап, істі болды, деп хабарлайды ҚазАқпарат.
«Түпқараған аудандық сотында ҚР ҚК-нің 378-бабының 1-бөлігімен Ш-ға қатысты қылмыстық іс қаралды.
Сотта анықталғандай, Ш. 02.08.2020 жылы Форт-Шевченко қаласында мас күйінде полиция қызметкерін балағаттап, қорлаған. Сот үкімімен Ш. ҚР ҚК-нің 378-бабының 1-бөлігімен кінәлі деп танылып, оған 40 сағатқа қоғамдық жұмыстарға тарту жазасы тағайындалды»,- делінген баспасөз хабарламасында.
Сот үкімі 16 күркүйекте заңды күшіне енді.