+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Польшада өтетін Еуровидениеде Ержан Максим қандай ән айтады

2019 жылғы 10 қазан 16:20
Бөлісіңіз:
Польшада өтетін Еуровидениеде Ержан Максим қандай ән айтады

АЛМАТЫ. ҚазАқпарат – Алматыда жас әнші Ержан Максимнің «Арманнан қалма!» атты әнінің тұсауы кесілді. (Don’t forsake your dream). Ол оны 24 қарашада Польшаның Гливице қаласында өтетін «Junior Eurovision» халықаралық вокалдық байқауында орындайды, деп хабарлайды ҚазАқпарат тілшісі.

Ұқсас жаңалықтар
Коронавирус жұқтырған Мейрамбек Бесбаев қазақстандықтарды сақ болуға шақырды Қостанай архивіне Татарстаннан құнды құжаттар әкелінді ШҚО-да тарихи-өлкетану музейінде селфи күні өтті

Алматыда өткен баспасөз мәслихатында байқауға арналған әннің бейнебаяны көрсетілді. Оның режиссері - Александр Фломбойм, продюсері - Сергей Руцкий. Әннің авторлары -Хамит Шанғалиев, Данияр Алдабергенов және Тимур Балымбетов.

« Әннің мағынасы – армандаудың маңыздылығы және арманға жету жолындағы қиындықтарға берілмеу қажеттілігі жайында. Өзіме бұл ән келеді деп ойлаймын. Бейнебаянда мен, ханшайым болуды аңсаған кішкентай қыздың арманын іске асырушы сиқыршының рөлін сомдаймын. Бұл менің алғашқы бейнебаяным. Барлығыңызға ұнайды деп сенемін», - деді Ержан Максим.

«Хабар» телеарнасының директоры Динара Бисембинаның айтуынша, агенттік 2016 жылдан осы байқауды ұйымдастырып келеді. Еуропалық хабар тарату одағының (EBU) мүшесі болып табылады.

«Ұзақ келіссөздерден кейін Қазақстанның атынан байқауға бір үміткерді ұсынуға мүмкіндік туды», - дейді ол.

Биыл «Хабар» агенттігі ұлттық іріктеуді өткізбей-ақ, Ержан Максимнің кандидатурасын ұсынуға шешім қабылдады.

«Ол өткен жылы Еуровидениенің ұлттық іріктеуіне қатысып, екінші орынға ие болды. Ержан Ресейдің «Дауыс» жобасына қатысуымен танымал және тек Қазақстанда ғана емес, сонымен қатар көрші елдердің де көрермендеріне жақсы таныс. Оның Қазақстанды халықаралық аренада лайықты түрде таныта алатындығына сенімдіміз «, - деді Динара Бисембина.

Байқаудың финалын «Хабар» арнасы тікелей эфирде көрсетеді.

Айта кетейік, Қазақстан бұл байқауға алғаш рет 2018 жылы Минскіде (Беларусь) қатысты.Сол байқауда Қазақстанның атынан «Өзіңе сен» әнімен Данэлия Төлешова шықты. Ол алтыншы орынға ие болды. Бас жүлдені польшалық Роксанна Венгель иеленген болатын. Екінші орынды Франция әншісі Ангелина жеңіп алса, үшінші орын австралиялық Джаэль Уенаға бұйырды.

Біздің каналымызға жазылыңыз:

Бөлісіңіз:

Автор:

Алма Мұқанова

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT