+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Подгорицада Қазақстан мен Черногория арасындағы тікелей әуе қатынасының ашылу рәсімі өткізілді

2021 жылғы 19 маусым 06:19
Бөлісіңіз:
Подгорицада Қазақстан мен Черногория арасындағы тікелей әуе қатынасының ашылу рәсімі өткізілді

ПОДГОРИЦА. ҚазАқпарат - ҚР Елшісі Төлежан Барлыбаев Қазақстаннан Черногорияға тікелей әуе рейстерінің ашылу салтанатына және Подгорица қаласында өткен баспасөз мәслихатына қатысты, деп хабарлайды ҚазАқпарат ҚР СІМ ресми сайтына сілтеме жасап.

Ұқсас жаңалықтар
Балқаш әуежайы мемлекеттік меншікке берілді

Рәсімде сөз сөйлеген Қазақстанның Черногориядағы, Хорватиядағы және Босния және Герцеговинадағы Елшісі Нұр-Сұлтан мен Подгорица арасында тікелей әуе қатынасын орнату екіжақты қарым-қатынастарды дамытуға, туристік, іскерлік және мәдени алмасуларды кеңейтуге қызмет ететінін мәлімдеді. 2021 жылдың сәуірінде консультациялар барысында қол қойылған 2021–2023 жылдарға арналған Қазақстан мен Черногория сыртқы саяси ведомствалары арасындағы ынтымақтастық бағдарламасының, сондай-ақ Черногория тарапының қазақстандықтар үшін визасыз режим (жыл сайын 15 сәуір мен 15 қазан аралығында) ұсыну туралы шешімінің маңыздылығы атап өтілді.

Дипломат екі ел арасындағы қатынастардың орнағанына 15 жыл толуына орай, Подгорицада 2021 жылдың 6 шілдесінде өткізілуі жоспарланған Қазақстанның Құрметті консулдығы кеңсесінің ашылуын жариялады. Мекеме Черногориядағы қазақстандық туристерге жедел қолдау көрсетеді, сондай-ақ туристік, іскерлік және мәдени байланыстарды дамытуға жәрдемдеседі. Оның өкілдігі черногориялық жағалауында – Будва қаласында да ашылады.

Қазіргі уақытта «Air Astana» әуе компаниясының Черногория астанасына рейстері Нұр-Сұлтан қаласынан сәрсенбі және сенбі күндері, Алматы қаласынан бейсенбі және жексенбі күндері орындалады. 2021 жылдың 21 маусымынан бастап рейстер күн сайын Нұр-Сұлтаннан дүйсенбі және Алматыдан сейсенбі мен жұма күндері ұшып шығуларды қоса отырып орындалатын болады.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT