+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Петропавлдың өзге ұлт өкілдері бірігіп, мұқтаж отбасыларға көмектесті

2020 жылғы 2 наурыз 14:58
Бөлісіңіз:
Петропавлдың өзге ұлт өкілдері бірігіп, мұқтаж отбасыларға көмектесті

ПЕТРОПАВЛ. ҚазАқпарат – Солтүстік Қазақстан облысы Қазақстан халқы Ассамблеясы «Біз біргеміз» қайырымдылық акциясын ұйымдастырып, көпбалалы отбасыларға, жалғызбасты аналарға және қаражатқа мұқтаж сырқат жандарға көмектесті, деп хабарлайды ҚазАқпарат тілшісі.

СҚО «Қоғамдық келісім» КММ мәліметінше, қайырымдылық акциясына этномәдени бірлестіктер өкілдері, Волонтерлік қозғалыс орталығы, облыстық мәслихат, «Nur Otan» партиясының СҚО филиалы, «Zhas Otan» жастар қанаты және көптеген кәсіпкерлер қолдау көрсетті.

Петропавлда тұратын Михайловтар отбасында төрт адам бар: әжесі, анасы және екі кішкентай бүлдіршін. Облыстық ассамблея бұл шаңыраққа үнемі көмектесіп тұрады. Былтыр оларға баспаналы болуға жағдай жасады. Балалардың біреуі мектепке, екіншісі балабақшаға барады. Аналары жұмысқа орналасқан. Қайырымдылық акциясы аясында отбасыға азық-түлік, Петропавл тігін фабрикасынан күртешелер және тағы да басқа көптеген сыйлықтар тапсырылды.

Акцияға қатысушылар барған екінші отбасында жалғызбасты әке Александр Марченко екі ұлын жалғыз өзі өсіріп жатыр. Балалар ақылды, тәрбиелі болып өсіп келеді. Мектепке, балабақшаға барады. Ассамблея отбасыны өз қамқорлығына алған. «Сомониён Север» тәжіктердің қауымы «Мектепке жол» акциясы аясында балалардың киімін түгендесе, осы жолы да іс-шара барысында тұрмысқа қажет заттар, азық-түлік жеткізілді.

Ал Петропавлдағы Жастар сарайында «Мята» агенттігінің жетекшісі Екатерина Башкатованы қолдауға арналған қайырымдылық кеш өтті. Бойжеткен қатерлі ісікке шалдыққан. Облыстық ҚХА, бизнес қауымдастықтар, СҚО іскер әйелдер қауымдастығының ұйымдастыруымен кеш аясында кондитерлік өнімдердің, қолданбалы қолөнер бұйымдарының жәрмеңкесі өтті. Концерттік бағдарламаға өңірдің шығармашылық ұжымдары қатысты. Нәтижесінде Екатеринаның еміне 3 млн теңге қаржы жиналды.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT