Петропавлда жылжымайтын мүлікті заңдастыру бойынша 132 өтініш келіп түсті

ПЕТРОПАВЛ. ҚазАқпарат - Петропавлда жылжымайтын мүлікті заңдастыру бойынша комиссияға науқан басталғалы бері қала тұрғындарынан 132 өтініш келіп түскен. Соның 48-і қанағаттандырылды, деп хабарлады қалалық әкімдіктің заңдастыру бойынша комиссиясының хатшысы Қанат Барқытов.

«1 қыркүйектен бастап, жылжымайтын мүлкін заңдастыруға ниет білдірген 132 адам болды. Кеңес алу үшін де келетін адамдар бар. Көбіне жер учаскелеріндегі құрылыстар, монша, қораларды заңдастырады. Келіп түскен өтініштердің 48-і қанағаттандырылса, 31-і қайтарылды, 26 өтініш қанағаттандырылмады, 27-сі қаралу үстінде. Өтініштердің қанағаттандырылмауының негізгі себептері - құрылыстың жер учаскесінің мақсатты тағайындалуына сәйкес келмеуі, жер учаскелерінің заңдастыру субъектісінің жеке меншік құқығына жатпауы», - деді Қанат Барқытов.