+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Петропавлда жүргіншілер өткелінде ер адамды көлік қағып кетті

2021 жылғы 26 қазан 14:41
Бөлісіңіз:
Петропавлда жүргіншілер өткелінде ер адамды көлік қағып кетті

ПЕТРОПАВЛ. ҚазАқпарат – Петропавлда жүргіншілер өткелі арқылы көшені кесіп өтпек болған ер адамды жеңіл көлік соғып кетті, деп хабарлайды ҚазАқпарат тілшісі.

Оқыс оқиға Петропавлдағы Сәтпаев көшесінде болған.

Куәгерлердің айтуынша, жеңіл көлік абайсызда жүргіншіні соғып, зардап шеккен ер адамды жедел жәрдем машинасы алып кеткен.

Петропавл қалалық полиция басқармасының мәліметінше, 25 қазан күні сағат 20.00 шамасында «Toyota» маркалы көліктің 42 жастағы жүргізушісі Сәтпаев көшесіндегі реттелмейтін жүргіншілер өткелінде 43 жастағы Петропавл тұрғынын қағып кетті.

Жол-көлік оқиғасында ер адам жарақат алып, емдеу мекемесіне жеткізілді. Көлік жүргізушісінің спирттік ішімдік ішпегені анықталды.

Машина арнайы автотұраққа қойылды.

Әкімшілік құқық бұзу фактісі бойынша жиналған материал Петропавл қалалық полиция басқармасының әкімшілік бөліміне процессуалдық шешім қабылдау үшін жіберілді.



Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT