+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Петропавлда үнді мәдениетінің апталығы өтіп жатыр

2019 жылғы 21 қараша 14:46
Бөлісіңіз:
Петропавлда үнді мәдениетінің апталығы өтіп жатыр

ПЕТРОПАВЛ. ҚазАқпарат – Солтүстік Қазақстан облысында Үндістанның 140 жас азаматы білім алып жатыр. Шетелдік жастар үнді мәдениетінің апталығы аясында өздерінің салт-дәстүрі мен ұлттық тағамдарынан хабардар етті, деп хабарлайды ҚазАқпарат тілшісі.

М.Қозыбаев атындағы Солтүстік Қазақстан мемлекеттік университетінде Қазақстан халқы Ассамблеясының 25 жылдық мерейтойына орай ай сайын этномәдени орталықтардың апталықтары ұйымдастырылып келеді. Бұған дейін жоғары оқу орнында қазақ, орыс, татар, неміс ұлттарының күндері өтті. Ал үнді мәдениетінің апталығы қазан айының соңында Дивали мерекесін тойлаудан басталған. От фестивалі – Үндістандағы негізгі мерекелердің санатында.

Бұл жолы шетелдік жастар түрлі-түсті сарилерін киіп, үнді киноларынан жақсы таныс дәстүрлі ән-билерін көрсетті. Ұлттық тағамдарының ерекшеліктерімен таныстырып, мерекеге келгендерге дәм таттырды.

«Балуш ахи, Палау, Барфи секілді барлығы 8 түрлі ұлттық тағамымызды пісіріп әкелдік. Әр ұлттың асханасының өз ерекшеліктері бар ғой. Біздің елде түрлі дәмдеуіштерді көп қосады. Жалпы мәдениетіміз өте бай. Бүгін соның азғантай ғана бір бөлшегін көрсеттік», - дейді СҚО-ға білім алуға келген Пушпеш Шарма.


Үнді мәдениетінің апталығы аясында оқу орнында түрлі іс-шара жоспарланған.

«Соңғы жылдары университетте шетелдік студенттер көп оқып жатыр. Мұндай іс-шараларды өткізудегі мақсат – жастардың тез бейімделуіне жағдай жасау, психологиялық кедергіні жою. Және әрине, басқа ұлттардың мәдениетімен таныстыру. Үнді мәдениетінің апталығы аясында халықтың діні, салт-дәстүрі жайында үш тілде түрлі лекциялар өтеді», - дейді Қазақстан халқы Ассамблеясы кафедрасының меңгерушісі Людмила Гривенная.

Университетте былтыр ашылған Жоғары медицина мектебінде қазір Үндістаннан келген 140 студент білім алып жатыр.



Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Жанат Қапалбаева
Жанат Қапалбаева
954-059

MURAǴAT