+7 (701) 759 90 19
USD 409.98 EUR 462.21
RUB 5.75 CNY 58.43
Jańalyqtar

Петропавлда тұрғындар той өткізгендерді тиісті органдарға өздері хабарлап жатыр

2020 жылғы 30 маусым 06:04
Бөлісіңіз:
Петропавлда тұрғындар той өткізгендерді тиісті органдарға өздері хабарлап жатыр

ПЕТРОПАВЛ. ҚазАқпарат – Петропавлда сенбі-жексенбі карантиндік шаралар күшейтілгеніне қарамастан, мейрамханаларда той өткізгендер тұрғындардың көмегімен анықталды, деп хабарлайды ҚазАқпарат тілшісі.

Ұқсас жаңалықтар
Атырауда екі күнде 130-ға жуық адам карантин шектеулерін бұзған Алматыда санитарлық талапты бұзған 700 нысан анықталды Алматы тұрғыны карантин кезінде ауласында той жасаған

Солтүстік Қазақстан облысы Полиция департаменті баспасөз қызметінің мәліметінше, өткен сенбі күні қала тұрғындары жас жұбайлардың «Конгресс» мейрамханасына кіріп бара жатқанын фотоға түсіріп, әлеуметтік желілерге жариялаған.

«Бәрі үйде отыруы керек, егер осы үйлену тойында кем дегенде біреу ауырса, ол бәріне жұқтырады, жағдай онсыз да мәз емес, ал сіздерге бәрібір тойлату керек», - деп желі қолданушылары жазба қалдырды.

Бұған полиция қызметкерлері мен санитарлық дәрігерлер бірден әрекет етіп, тексеріс ұйымдастырды. Дерек расталып, нәтижесінде мейрамхана иесі мен іс-шараны ұйымдастырушыға қатысты ҚР ӘҚтК 462-бабы бойынша әкімшілік материал жинады.

Петропавл тұрғындары полицейлерге «Эмират» мейрамханасында да той өтіп жатқанын хабарлаған. Той иесі мен көңіл көтеру орны әкімшілігіне де енді айыппұл салынбақ.

Жалпы, Петропавлда төтенше жағдай алынғаннан бері соңғы екі айдың ішінде осындай 5 дерек анықталды.

«Қазіргі уақытта вирустың таралмауына тұрғындар да жауапты. Өзімізді шектеп, талаптарды орындағанда ғана бұл қауіпті індетпен күресе аламыз. Өкінішке орай, бұған барлығы түсіністік таныта бермейді, осыған байланысты профилактикалық шаралардан әкімшілік ықпалы бар шараларға көшуге тура келеді. Төтенше жағдай режимі алынғаннан бастап, карантиндік шараларды сақтамағаны үшін 127 әкімшілік материал жиналды», - дейді СҚО ПД бастығының бірінші орынбасары Қанат Айтбаев.

Бас санитарлық дәрігердің қаулысын сақтамағандарға 3-тен 200 АЕК мөлшерiнде айыппұл қарастырылған.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT