Қолданушы баптаулары
Қолданушы баптаулары
+7 (701) 759 90 19 Лента
USD 352.54 EUR 415.15
RUB 5.31 CNY 51.53
Жаңалықтар

Петропавлда су тасқынына байланысты төтенше жағдай жарияланды

2017 жылғы 25 сәуір 16:45 1854
Бөлісіңіз:
Петропавлда су тасқынына байланысты төтенше жағдай жарияланды

ПЕТРОПАВЛ. ҚазАқпарат - Петропавлда төтенше жағдай жарияланды, деп хабарлайды «ҚазАқпарат» ХАА тілшісі. 

Есіл өзенінің арнасынан асуына байланысты облыс орталығындағы Заречный және Кожзавод кентінде 200 үйді түнде су басты. Кожзавод кенті тұрғындарының айтуынша, жиһаздар мен техниканы әрең шығарып үлгерген. Табиғи апат тек көшелер мен аулаларды емес, сондай-ақ 95 үйді де зақымдады.


Петропавлда су тасқынына байланысты төтенше жағдай жарияланды

СҚО әкімі Құмар Ақсақалов су тасқыны ахуалы жөніндегі күн сайынғы брифингін бұл жолы зардап шеккен мөлтек аудандарда өткізді. Бұл жерлердегі судың мөлшері азаяр емес. Екі сағатта оның деңгейі 6 сантиметрге көтерілді.


Петропавлда су тасқынына байланысты төтенше жағдай жарияланды

«Жағдай өте қиын. Есіл өзенінің алқабы үш тәулікте 1,7 метрге артқан. Биыл қар көп жауды, Сергеевский су қоймасы толып қалды. Бұл сулар өзенді төмен бойлай ағып жатыр. Қазір Кожзавод кентінде 95 үйді су басса, Заречный кентінде 105 үйді су шайып кетті. Судың мөлшері көбеюде. Судың деңгейі 50 см-ге көтеріледі деп күтілуде. Басты мақсат - кенттегі барлық адамдарды эвакуациялау», - деді Құмар Ақсақалов.


Петропавлда су тасқынына байланысты төтенше жағдай жарияланды

1,7 шақырымдық ескі дамбаны қайта тұрғызу жұмыстары жүргізілуде. Өткен жылы кентте жаңа қорғаныс қамалы салынған болатын. Егер судың деңгейі 10 сантиметрден асса, дамба оны ұстап қала алмайды.


Бөлісіңіз:
Онлайн қызметкерлер
Редактор
Айдар Оспаналиев
Айдар Оспаналиев
954-059
Мұрағат