Қолданушы баптаулары
Қолданушы баптаулары
+7 (701) 759 90 19 Лента
USD 378.38 EUR 431.05
RUB 6.02 CNY 55.00
Jańalyqtar

Петропавлда өрт сөндіру-құтқару спортынан республикалық турнир өтіп жатыр

2019 жылғы 13 маусым 18:53 660
Бөлісіңіз:
Петропавлда өрт сөндіру-құтқару спортынан республикалық турнир өтіп жатыр

ПЕТРОПАВЛ. ҚазАқпарат - Петропавлда өрт сөндіру-құтқару спортынан «Өрт сөндірушілер мен құтқарушылардың спорт федерациясы» қоғамдық бірлестігінің кубогы үшін республикалық турнир өтіп жатыр, деп хабарлайды ҚазАқпарат тілшісі.

Республикалық жарысқа Астана, Алматы қалаларынан және ел өңірлерінен 13 команда, 190 спортшы қатысуда. Ерлер және әйелдер құрама командаларының әрқайсысында 8 мүшеден бар. Бұған дейін осындай турнир Шымкент және Алматы қалаларында өтсе, биыл Қызылжар өңірі қарсы алды. Жарыстың ашылу салтанатында облыс әкімінің орынбасары Антон Федяев қатысушыларды құттықтап, сәттілік тіледі.

«Мұндай іс-шаралардың маңызы зор. Елімізде саламатты өмір салтын қалыптастыруға, дене шынықтыру-спорт салаларын дамытуға ерекше мән беріледі. Бұл жарыс өрт сөндіру-құтқару спортын насихаттап қана қоймай, қызметкерлердің денсаулығын, біліктілігін де арттыруға септеседі», - деді Антон Федяев.

Петропавлда өрт сөндіру-құтқару спортынан республикалық турнир өтіп жатыр 
Петропавлда өрт сөндіру-құтқару спортынан республикалық турнир өтіп жатыр 

Алғаш болып жарыс алаңына ерлер командасы шығып, кедергілерге толы 100 метр жолды бағындырды. Бірер сағатқа созылған тартысты бәсеке барысында мықтылардың есімі анықталды. СҚО Төтенше жағдайлар департаменті баспасөз қызметінің хабарлауынша, жалпыкомандалық есепте шығысқазақстандық команда - бірінші, атыраулық команда - екінші орынды жеңіп алды. Ал Маңғыстау облысының спортшылары үштік қатарынан көрінді.

Бірінші күннің қорытындысы бойынша жекелей сында бірінші және екінші орынды атыраулықтар - Николай Буторин мен Даниил Пузиков алса,  үшінші орын БҚО келген Дмитрий Агафоновқа бұйырды.  Турнир екі күнге шақталған.


Петропавлда өрт сөндіру-құтқару спортынан республикалық турнир өтіп жатыр 

 

 

 

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT