+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Петропавлда өрт сөндіру-құтқару спортынан өткен республикалық турнир аяқталды

2019 жылғы 16 маусым 00:45
Бөлісіңіз:
Петропавлда өрт сөндіру-құтқару спортынан өткен республикалық турнир аяқталды

ПЕТРОПАВЛ. ҚазАқпарат - Петропавлда «Өрт сөндірушілер мен құтқарушылардың спорттық федерациясы» қоғамдық бірлестігі кубогына арналған республикалық турнирдің жеңімпаздары анықталды, деп хабарлайды ҚазАқпарат тілшісі.

СҚО Төтенше жағдайлар департаменті «Өрт сөндіру және авариялық-құтқару жұмыстары қызметі» ММ баспасөз қызметінің мәліметінше, республикалық турнирге Қазақстанның облыстарынан, Нұр-Сұлтан, Алматы мен Шымкент қалаларынан 190 спортшы қатысты.

Әйелдер және ерлер құрама командалары кедергілерге толы 100 метрлік жолды жүгіруден, оқу мұнарасының қабаттарына шабуылдау сатысы арқылы көтерілуден, атқаратын күнделікті қызметтеріне байланысты тапсырмаларды орындаудан жалпыкомандалық және жекелей сынға түсті.

Екі күнге жалғасқан жарыс Петропавл қалалық мәдениет үйінде қорытындыланды. Жеңімпаздарға және олардың жаттықтырушыларына СҚО Төтенше жағдайлар департаментінің, дене шынықтыру және спорт басқармасының, «Өрт сөндірушілер мен құтқарушылардың спорттық федерациясы» қоғамдық бірлестігінің медальдары, дипломдары мен бағалы сыйлықтары табыс етілді.

Жалпыкомандалық есепте әйелдер арасында бірінші орынды Шымкент қаласының спортшылары жеңіп алды. Екінші орын - Ақтөбе, үшінші орын Нұр-Сұлтан қаласының құрамасына бұйырды.

Ерлер арасында шығысқазақстандықтар алдарына жан салмады, атыраулықтар екінші, БҚО-ның спортшылары үшінші орынға тұрақтады.

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT