Петропавлда құрылыс басында жұмысшы қаза тапты
Солтүстік Қазақстан облысы полиция департаменті баспасөз қызметінің мәліметінше, оқыс оқиға бүгін Петропавлда болған.
Ж.Жабаев-Измаилов және Горький-Челюскин көшелерінің қиылысындағы құрылыс нысанында жұмысшы мерт болды. Ол жоғарыдан құлап кеткен.
Алған жарақатынан 44 жастағы облыс орталығының тұрғыны сол жерде көз жұмды.
Бұл дерек Сотқа дейінгі тергеп-тексерудің бірыңғай тізіліміне «Абайсызда адам өліміне соқтырған еңбек қорғау ережесін бұзу» бабы бойынша енгізілді.
СҚО Полиция департаментінің басшылығы қаза тапқан жұмысшының отбасына көңіл айтып, бұл қылмыстық істің мән-жайы толық тергелетінін жеткізді.
Қазіргі уақытта осы қылмыстық іс боцынша қажетті сараптама тағайындалды, тергеу жүргізіліп жатыр.
Оның қорытындысы бойынша заңды процессуалдық шешім қабылданбақ.