+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Петропавлда көпқабатты үйлердің 11 кіреберісі карантинге жабылды

2020 жылғы 6 сәуір 22:41
Бөлісіңіз:
Петропавлда көпқабатты үйлердің 11 кіреберісі карантинге жабылды

ПЕТРОПАВЛ. ҚазАқпарат – Петропавлда көпқабатты үйлердің 11 подъезді карантинге жабылды, деп хабарлайды ҚазАқпарат тілшісі.

Өңірлік коммуникациялар қызметінде өткен брифингте Петропавл қаласы әкімінің орынбасары Асқар Хабибулин бұл подъездерге азық-түлікті жеткізумен екі супермаркет айналысатынын айтты.

«Супермаркеттердің қазіргі уақытта тапсырысы көп, үлгермей жатыр. Сол себепті әр кіреберіске волонтерлерді бекіттік. Олар тапсырысты қабылдап, супермаркеттермен жұмыс істейді. Тұрғындардың қажетін жеткізіп береді», - деді Асқар Хабибулин.

Петропавл қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімі баспасөз қызметінің мәліметінше, карантиндегі подъездердің әрқайсысының жанына қоқыс контейнерлері орнатылды. Санитарлық қызметтер үйлердің кіреберісін толық дезинфекциялады. Қазір әр подъездің жанында тәртіп сақшылары кезекшілік атқаруда.

Бұған дейін коронавирус инфекциясының таралуына тосқауыл қою мақсатында Петропавл қаласының алты аумаққа бөлінгенін хабарлаған едік.

6 сәуір сағат 21.30 жағдай бойынша өңірде қауіпті індетті жұқтырудың 25 дерегі тіркелген. Бүгін облыста инфекция жұқтырған бір адам жазылып шықты.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT