+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Петропавлда қоғамдық көліктің екі бағыты қысқарды

2020 жылғы 14 қазан 09:23
Бөлісіңіз:
Петропавлда қоғамдық көліктің екі бағыты қысқарды

ПЕТРОПАВЛ. ҚазАқпарат – Петропавлда 18 қазаннан бастап қоғамдық көліктің екі бағыты қысқартуға ілікпек, деп хабарлайды ҚазАқпарат тілшісі.

Ұқсас жаңалықтар
Павлодарда автобус тасымалдаушылары жалдау ақысын арзандатуды талап етті Алматыда қоғамдық көліктерде маска режимін бұзған мыңнан астам жолаушы анықталды

Петропавл қалалық әкімдігі баспасөз қызметінің мәліметінше, облыс орталығында қоғамдық көлік жұмысын оңтайландыруға қатысты бірқатар жұмыстар атқарылып жатыр. 1 желтоқсаннан бастап автобустарға электронды билет жүйесі енгізілмек.

«Бұл жұмыс жолаушы тасымалдаушылардың жұмысын бақылауда ұстау мақсатында жүргізіліп жатыр. Осылайша олардың нақты табысы белгілі болады және бюджетке түсетін қаржы көлемі ұлғаймақ. Қоғамдық көлік билетінің бағасы өзгеріссіз қалады. Ересектерге - 80 теңге, мектеп оқушыларына - 40 теңге. Ал қолма-қол есеп айырысқан жағдайда жолаушылар 130 теңге төлемек», - дейді Петропавл қалалық тұрғын үй-коммуналдық шаруашылығы бөлімінің басшысы Бақыт Ілиясов.

Электронды билеттер әзірге сатылымға түскен жоқ, жоспар бойынша осы ай соңында 400 теңгеден саудаға шықпақ.

Жолаушы тасымалының сапасын арттыру үшін жыл соңына дейін Петропавлға жаңа автобустар жеткізілмек. Сондай-ақ қоғамдық көлік жұмысын оңтайландыру мақсатында бірнеше бағытты қысқарту жоспарланған.

«№ 19 және № 4м бағыттағы автобустар алынады. Кәсіпорын басшысымен оларды қысқарту жайында бұрыннан сөз қозғалып келеді. Өйткені бұл бағыттарда жүретін жолаушы аз, сол себепті автобус шығару тиімсіз. Жақында олар бізге ресми хат жолдап, 18 қазаннан бастап осы екі бағыт бойынша автобустардың жолға шықпайтынын ескертті», - дейді Бақыт Ілиясов.



Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059
REDAKTOR
Үмбет Шолпан
Үмбет Шолпан
954-059

MURAǴAT