+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Петропавлда кісі өлтіргендерге сот үкімі шықты

2020 жылғы 29 қаңтар 22:30
Бөлісіңіз:
Петропавлда кісі өлтіргендерге сот үкімі шықты

ПЕТРОПАВЛ. ҚазАқпарат – Петропавлдағы «Блюз» мейрамханасының жанында адам өлтірген Қажымұрат Аюп пен Әкімбай Сәдібековке қатысты сот үкімі шықты, деп хабарлайды ҚазАқпарат тілшісі.

Петропавл қалалық сотының мәліметінше, оқиға былтыр 4 тамызға қараған түні «Блюз» мейрамханасында болған. Демалуға келген Сәдібеков пен Аюп би алаңында бейтаныс жігіт Александр Трубниковпен келіспей қалады. Мәселені шешу үшін үшеуі далаға шыққан.

Мейрамхананың кіреберісінде Сәдібеков жұрттың көзінше Трубниковті бетінен ұрған. Мұны көрген Аюп зардап шегушіні мейрамхананың сыртына алып шығып, соққыға жыққан. Ауыр жарақаттан Трубников тілге келместен оқиға орнында жан тапсырды.

Аюп пен Сәдібеков кінәларын толық мойындаған жоқ.

Петропавл қалалық сотының үкімімен Әкімбай Сәдібеков ҚР Қылмыстық кодексінің 293-бабы, яғни «бұзақылық» бойынша кінәлі деп танылып, 106 баптың 3-тармағы – «абайсызда жәбiрленушiнiң өліміне әкеп соққан денсаулыққа қасақана ауыр зиян келтiру» бойынша толық ақталды.

Аюп керісінше «бұзақылық» бабы бойынша ақталып, ҚР Қылмыстық кодексі 106-бабының 3-тармағы бойынша жазаға тартылды. Сәдібеков 1,5 жылға, Аюп 10 жылға бас бостандығынан айырылды.

Бұдан басқа соттың шешімімен Аюптан қаза тапқан Трубниковтің әйеліне 3 млн теңге моральдық шығын және 230 мың теңге шамасында материалдық шығын өндіріп алынады.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT