+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Петропавлда қайта даярлықтан өтіп, жаңа мамандықты тегін меңгеруге болады

2019 жылғы 15 шілде 22:35
Бөлісіңіз:
Петропавлда қайта даярлықтан өтіп, жаңа мамандықты тегін меңгеруге болады

ПЕТРОПАВЛ. ҚазАқпарат – Петропавл қаласында 7 оқу орны негізінде қайта даярлау және біліктілікті арттыру курстарынан өтуге болады, деп хабарлайды ҚазАқпарат тілшісі.

Ұқсас жаңалықтар
Жұмыспен қамту орталықтарының 500 қызметкері біліктілігін арттырады Елордада «Еңбек жолы» байқауының жеңімпаздары марапатталды Біржан Нұрымбетов: Міндетіміз – кадр даярлау жүйесін жұмыс беруші талабына бейімдеу

Тұрғындарды жұмыспен қамту орталығының мәліметінше, мақсат - «Еңбек» нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасын жүзеге асырып, халықты еңбек нарығында сұранысқа ие мамандықтарға оқыту.

Петропавл қалалық әкімдігі мамандарының айтуынша, облыс орталығында 7 оқу орны негізінде қайта даярлау және біліктілікті арттыру курстарынан өтуге болады. Олар: Петропавл құрылыс-экономикалық колледжі, Солтүстік Қазақстандық кәсіптік-педагогикалық колледжі, Гуманитарлық-техникалық колледж, Рестораторлар мен отельерлер қауымдастығы және «Швейный профессионал», «Радуга» ЖШС, «Содэль» бухгалтерлік фирмасының оқыту орталықтары.

Петропавл қаласы бойынша биыл 420 адам қайта даярлықтан өтуі тиіс. Осы мақсатқа республикалық қазынадан 96,3 млн теңге, жергілікті бюджеттен 10,6 млн теңге бөлінген.

Қала тұрғындары арасында аспаз мамандығы сұранысқа ие – 40 адам меңгеріп шыққан. Кондитерлік курсты 30 адам аяқтаса, электргаздәнекерлеушінің сертификаты 25 адамға берілген. Бұдан басқа петропавлдықтар тігінші, автоэлектрші, тракторшы, электрші сияқты көптеген жұмысшы мамандықтарын меңгере алады.

Қазіргі таңда қысқа мерзімді курстарға 332 адам жіберілген. 245-і оқуын тәмамдап, 65-і бірден жұмысқа орналастырылды. Тағы шамамен 100 адам оқуды қыркүйек айында бастамақ.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT