+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Петропавлда қар астындағы шөпті шапқандар көптің қызу талқысына түсті

2020 жылғы 2 желтоқсан 10:47
Бөлісіңіз:
Петропавлда қар астындағы шөпті шапқандар көптің қызу талқысына түсті

ПЕТРОПАВЛ. ҚазАқпарат – Солтүстік Қазақстан облысының Петропавл қаласында жұмысшылар қалың қардың астында қалған көшедегі шөпті шауып, тұрғындардың қызу талқысына түсті, деп хабарлайды ҚазАқпарат тілшісі.

1 желтоқсан күні әлеуметтік желілерде Петропавлда қар астындағы шөпті шапқан жұмысшылар туралы видео тарады. Оны қала тұрғындарының бірі үйінің терезесінен түсірген. Қолдарына триммер ұстап, қыстыгүні шөп шауып жүргендердің әрекеті бірден жергілікті пабликтерге тарап, оқырмандардың қызу талқысына түсті.

Алдағы күндері Солтүстік Қазақстан облысына Премьер-Министр Асқар Маминнің сапары жоспарланған. Көпшілік бұл жұмыстарды осыған орай атқарылғанымен байланыстырды.

Петропавл қаласы әкімдігінің баспасөз қызметі ҚазАқпарат тілшісіне мәлім еткендей, әкімдіктің бұл жұмыстарға еш қатысы жоқ. Облыс орталығындағы ЗИКСТО зауыты өз ынтасымен айналадағы аумақты ретке келтіруге шыққан.

Ал ЗИКСТО зауыты мұндай жұмыстарды жүргізбегенін айтуда.

«Видеода аялдама анық көрінеді. Жұмысшылар көшеде, аялдаманың қасындағы шөпті шауып жүр. Біз мұндай жұмыстарды атқарған емеспіз. Бізде тіпті, шөп шабуға арналған триммерлер де жоқ», - деп жауап берді тілшіге ЗИКСТО зауытынан.




Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT